14.12.2025 | 19:26
Մրգի խանութի սեփականատերը զինաթափել է Սիդնեյի լողափին մարդկանց վրա կրակողներից մեկին
Ալիևը Իսրայելում Ադրբեջանի առաջին դեսպանին է նշանակել
Քաղաքականություն
11.01.2023 | 21:49
Ադրբեջանը պաշտոնապես նշանակել է Իսրայելում իր առաջին արտակարգ ու լիազոր դեսպանին։ Նախագահ Իլհամ Ալիևի հրամանագրով՝ այդ պաշտոնում նշանակվել է Մուխտար Մամեդովը։
Ի դեպ, ադրբեջանական լրատվամիջոցներն ավելի վաղ էին հայտնել, որ հենց Մամեդովն է նշանակվելու Իսրայելում դեսպան։ Նա 2005-2013 թվականներին աշխատել է ԱԳ նախարարությունում, այդ թվում՝ 2009-2013 թվականներին՝ Բելգիայում Ադրբեջանի դեսպանատանը։ 2013 թվականից աշխատում է Կրթության նախարարությունում, եղել է միջազգային համագործակցության վարչության պետ, ղեկավարել է այս գերատեսչության աշխատակազմը, իսկ անցյալ տարվա ապրիլից փոխնախարար է։ Մամեդովը համակարգել է Իսրայելի հետ գիտության և կրթության ոլորտում ինովացիոն համագործակցության ծրագրերը։
Հիշեցնենք, որ նոյեմբերին Ադրբեջանի Միլի Մեջլիսն Իսրայելում դեսպանատուն բացելու որոշում էր ընդունել, որը մեծ ոգևորությամբ է ընդունվել Իսրայելի իշխանությունների շրջանում։ Ադրբեջանի ԱԳ փոխնախարար Ֆարիզ Ռզաևն էլ դեկտեմբերին պաշտոնական այցով Իսրայելում էր՝ վերահսկելու Թել Ավիվում Ադրբեջանի դեսպանատան բացման նախապատրաստական աշխատանքները։
Էմմա Չոբանյան
