30.10.2026 | 19:08
Արծվիկ Մինասյանը և Շուշան Սարգսյանը՝ Մրցակցության պաշտպանության հանձնաժողովի անդամներ
Արցախի ԱԽ-ն քննադատել է Փաշինյանի խոսքերը․ Բաքուն թույլ չի տալիս նորոգել ՀՀ-Արցախ հոսանքագիծը․ Լուրեր
Քաղաքականություն
11.01.2023 | 17:00
- Արցախում ԱԽ նիստ է անցկացվել, որի ժամանակ ընդունվել է հայտարարություն, որ ՀՀ վարչապետի՝ նախօրեին տեղի ունեցած ասուլիսի ընթացքում հնչեցրած մի շարք պնդումներ և տեսակետներ առաջացրել են մտահոգություններ, քանի որ չեն համապատասխանում ինչպես համազգային պայքարի գաղափարներին, այնպես էլ Արցախի Հանրապետության բնակչության և իշխանությունների որդեգրած դիրքորոշմանը: Արցախի իշխանությունները դիմում են միջազգային հանրությանը` Ադրբեջանի կողմից ձեռնարկված ահաբեկչական գործողությունները, ծրագրվող էթնիկ զտումները և նախապատրաստվող նոր ցեղասպանությունը կանխելու համար պատասխանատվություն ստանձնելու կոչով:
- Ադրբեջանը թույլ չի տալիս վերականգնողական աշխատանքներ իրականացնել այն հատվածում, որտեղ վթարվել է Արցախը Հայաստանից սնուցող միակ բարձրավոլտ հոսանքագիծը: Այն վթարվել է հունվարի 9-ին, այն հատվածում, որն Ադրբեջանի վերահսկողության տակ է։
Լեռնային Ղարաբաղ ՄԱԿ-ի խաղաղապահների ուղարկելու թեման մեկ անգամ չէ, որ եղել է օրակարգում, սակայն ցանկացած առաքելություն կարող է ներգրավվել միայն հակամարտության երկու կողմերի համաձայնությամբ՝ և՛ Բաքվի, և՛ Երևանի։ Այս մասին լրագրողների հետ զրույցում հայտարարել է ՌԴ նախագահի մամուլի խոսնակ Դմիտրի Պեսկովը։
Այս ժամի լուրերը՝ տեսանյութում։
