29.10.2026 | 19:30
Ի՞նչ խնդիրներ արձանագրվեցին ՏԻՄ ընտրություններում․ «Անկախ դիտորդ»-ը զեկույց է հրապարակել. ՏԵՍԱՆՅՈՒԹ
«Կրակեն»․ ինչով է վտանգավոր կորոնավիրուսի՝ արագորեն տարածվող այս նոր ենթատեսակը
Քաղաքականություն
11.01.2023 | 16:15
Կորոնավիրուսի «օմիկրոն» շտամի ամենավարակիչ, սակայն ոչ ամենավտանգավոր ենթատեսակը՝ «կրակենը», որը սկզբում գրանցվեց ԱՄՆ-ում, իսկ հետո՝ Եվրոպայի երկրներում, շարունակում է արագորեն տարածվել աշխարհում։ «Կրակենի» ախտանշանները դասական են՝ միջինում 38 աստիճան ջերմություն կամ ընդհանրապես դրա բացակայություն, մրսածության զգացում, փռշտոց, կոկորդի ցավ և հազ, ընդհանուր թուլություն և մարմնի ցավ, ախորժակի անկում, հնարավոր է փորլուծություն, գրում է Իզվեստիան։
Նոյեմբեր և դեկտեմբեր ամիսներին կորոնավիրուսի «կրակեն» ենթատեսակը հիմնականում տարածվել է ԱՄՆ-ում։ Այստեղ վարակվածների կեսից ավելին բաժին է ընկնում այս ենթատեսակին, ինչը վկայում է դրա ծայրահեղ վարակիչ լինելու մասին։
Հունվարին արդեն վարակման դեպքեր են գրանցվել Իսպանիայում, Պորտուգալիայում, Իտալիայում, Ֆրանսիայում, Դանիայում, Ավստրիայում, Նիդեռլանդներում և Գերմանիայում: Ռումինիան, Հարավային Աֆրիկան և Նոր Զելանդիան վարակման առաջին դեպքերի մասին հայտնել են երկու օր առաջ։ XBB.1.5-ի մասնաբաժինը Եվրոպայում դեռ փոքր է, սակայն տարածման տոկոսը բարձր է, զգուշացնում է Առողջապահության համաշխարհային կազմակերպությունը։
Բժիշկները հիշեցնում են՝ կորոնավիրուսով չվարակվելու համար անհրաժեշտ է պարբերաբար լվանալ ձեռքերը, պահպանել սոցիալական հեռավորությունն ու մարդկանց կուտակման վայրերում դիմակ կրել։
Տաթև Ֆռանգյան
