16.09.2026 | 10:23
Դատախազությունը պահանջում է Ոսկեվանի նախկին մանկապարտեզի շենքը վերադարձնել համայնքին
Քոչարյանի հայցն ընդդեմ Փաշինյանի մերժվել է․Արցախում 4 նոր նախարար է նշանակվել․ Լուրեր
Քաղաքականություն
11.01.2023 | 13:45
- Արցախի նախագահ Արայիկ Հարությունյանի հրամանագրերով Սրբուհի Արզումանյանը նշանակվել է Արցախի արդարադատության նախարար: Արամ Սարգսյանը նշանակվել է քաղաքաշինության նախարար: Արմեն Մանգասարյանը նշանակվել է Արցախի սոցիալական զարգացման և միգրացիայի նախարար: Դավիթ Բաբայանն ազատվել է Արցախի արտաքին գործերի նախարարի ժամանակավոր պաշտոնակատարի պաշտոնից: Նրա փոխարեն արտաքին գործերի նախարար է նշանակվել Սերգեյ Ղազարյանը՝ ազատվելով Հայաստանում Արցախի մշտական ներկայացուցչի պաշտոնից: Նախարար նշանակված Սերգեյ Ղազարյանը Երևանում է և այստեղից է կատարելու իր աշխատանքը:
- Քաղաքացիական դատարանը՝ դատավոր Սերգեյ Սահակյանի նախագահությամբ վճռել է մերժել ՀՀ երկրորդ նախագահ Ռոբերտ Քոչարյանի հայցն ընդդեմ ՀՀ վարչապետ Նիկոլ Փաշինյանի։ Առաջին ատյանի դատարանը գտել է, որ 2021-ի մարտի 1-ին Հանրապետության հրապարակում հրավիրված հանրահավաքի ընթացքում Նիկոլ Փաշինյանի հայտարարությունը իր մեջ զրպարտանք և վիրավորանք չի պարունակում։ Փաշինյանը ասել է, մեջբերում եմ, «2008 թվականի մարտի 1-ին Հայաստանի այն ժամանակվա կառավարողները բանակը հանեցին ժողովրդի դեմ, Հայաստանի քաղաքացիներին գնդակահարելու որոշում կայացրին: Շատ կարևոր է արձանագրել, որ այս գործով՝ «Մարտի 1»-ի գործով, կան մեղադրվող անձինք, որոնք այսօր կանգնած են դատարանի առաջ»։
- ՀՀ գլխավոր դատախազությունը հաղորդագրություն է տարածել, որ ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ ԱԺ պատգամավոր, Երևանի նախկին քաղաքապետ Տարոն Մարգարյանից, նրա հետ փոխկապակցված վեց անձից՝ հօգուտ Հայաստանի բռնագանձել մեկ տասնյակ անշարժ ու շարժական գույք, մեքենաներ ու գումար։ Հայցադիմումն ընդունվել է Հակակոռուպցիոն դատարանի վարույթ։
Այս ժամի լուրերը՝ տեսանյութում։
