09.10.2026 | 10:15
Մարտի 1-ի գործով ոստիկանության զորքերի նախկին հրամանատար Գրիգոր Գրիգորյանի գործն ուղարկվել է դատարան
Ցանկացած առաքելություն կարող է Ղարաբաղ ուղարկվել միայն երկու կողմերի համաձայնությամբ․ Պեսկով
Քաղաքականություն
11.01.2023 | 14:01
Լեռնային Ղարաբաղ ՄԱԿ-ի խաղաղապահների ուղարկելու թեման մեկ անգամ չէ, որ եղել է օրակարգում, սակայն ցանկացած առաքելություն կարող է ներգրավվել միայն հակամարտության երկու կողմերի համաձայնությամբ՝ և՛ Բաքվի, և՛ Երևանի։ Այս մասին լրագրողների հետ զրույցում հայտարարել է ՌԴ նախագահի մամուլի խոսնակ Դմիտրի Պեսկովը, գրում է ՏԱՍՍ-ը։
Հիշեցնենք, որ ՀՀ վարրապետ Նիկոլ Փաշինյանը հայտարարել էր, որ ՌԴ-ն կարող է ՄԱԿ-ի ԱԽ-ում նախաձեռնել Արցախ բազմազգ առաքելության ուղարկելու գործընթաց կամ ստանալ միջազգային մանդատ, եթե «չի կարող կատարել իր պարտավորությունները»։
«Աշխատանքային, տարբեր մակարդակներում մշտական շփումներ կան: Իհարկե, այս թեման բազմիցս եղել է օրակարգում: Բայց պարզ է, որ ցանկացած առաքելություն կարող է ուղարկվել միայն հակամարտության երկու կողմերի համաձայնությամբ»,- ասել է Պեսկովը՝ պատասխանելով հարցին՝ արդյո՞ք Հայաստանի և ՌԴ-ի ղեկավարները քննարկել են այս թեման։
Պեսկովն այդպես էլ չի նշել՝ ՌԴ-ն կդիմի՞ ՄԱԿ-ի ԱԽ-ին ռուս խաղաղապահների հարցով, թե՞ ոչ։
Էմմա Չոբանյան
