06.06.2026 | 21:21
Եղիշե Մելիքյանը՝ Ղազախստանի հավաքականի հետ ոչ-ոքիի մասին․ ՏԵՍԱՆՅՈՒԹ
Իրանն ուժեղացնում է հակաօդային պաշտպանությունը Սիրիայում՝ Իսրայելի հարվածների ֆոնին
Քաղաքականություն
11.01.2023 | 15:40
Իրանը շարունակում է ակտիվորեն ընդլայնել իր հակաօդային պաշտպանության համակարգերի ցանցը Սիրիայում՝ իսրայելական օդային հարվածների ֆոնին։ Այս մասին գրել է ամերիկյան Newsweek ամսագիրը՝ վկայակոչելով ԱՄՆ-ի դաշնակից երկրներից մեկի հետախուզական աղբյուրին։
Հրատարակության զրուցակցի խոսքով՝ Իրանը վերջին երկու տարիներին հավատարիմ է մնացել «Սիրիայում տասնյակ միլիոնավոր դոլար արժողությամբ հակաօդային պաշտպանության համակարգերի տեղակայման ռազմավարությանը»։ Այսպիսով, Թեհրանը, աղբյուրի պնդմամբ, մտադիր է «դիմակայել Իսրայելի օդային հարվածներին»։
«Այս մարտական հնարավորությունների խթանումն իրականացվում է սիրիական բանակի հետ համատեղ ծրագրի շրջանակում և, հնարավոր է, նույնիսկ Սիրիայում Իրանի հակաօդային պաշտպանության համակարգերի անկախ օգտագործման պայմաններ ստեղծելու նպատակով։ Բացի այդ, իրանցիներն օգնեցին սիրիացիներին արդիականացնել իրենց ռադիոտեղորոշիչ համակարգերը՝ հայտնաբերելու և կանխելու իսրայելական հարձակումները՝ հիմնականում Սիրիայում իրանական թիրախների դեմ»,- նշել է աղբյուրը։
Ամսագրի զրուցակիցը հայտարարել է, որ Իրանը Սիրիայում տեղակայում է արդիականացված «Բավար-373» զենիթահրթիռային համակարգեր, որոնք նախատեսված են 305 կմ հեռավորության վրա գտնվող օդային թիրախները ոչնչացնելու համար։ Դրանք համալրված են Sayyad-4B հրթիռներով։
Տաթև Ֆռանգյան
