16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Թուրքիայում հանդիպել են ՌԴ-ի ու Ուկրաինայի մարդու իրավունքների պաշտպանները
Քաղաքականություն
11.01.2023 | 12:05
Թուրքիայում հանդիպում են անցկացրել Ուկրաինայի ու ՌԴ-ի մարդու իրավունքների հարցերով հանձնակատարներ Դմիտրի Լյուբինեցն ու Տատյանա Մոսկալկովան, գրում է BBC-ի ռուսական ծառայությունը։
«Բանակցությունների գիշեր։ Ավելի վաղ ձեռք բերված պայմանավորվածությունների շրջանակներում հանդիպում է կայացել Ռուսաստանի Դաշնության Մարդու իրավունքների հանձնակատար Տատյանա Մոսկալկովայի հետ, քննարկել ենք մարդասիրական խնդիրների լայն շրջանակ և երկու երկրների քաղաքացիներին տրամադրվող իրավական օգնության հարցերը»,-տելեգրամի իր ալիքում գրել է Լյուբինեցը՝ լուսանկար հրապարակելով։ Մոսկալկովան ևս իր տելեգրամ ալիքում հայտնել է, որ քննարկելեն «երկու երկրների քաղաքացիներին մարդասիրական օգնություն տրամադրելու հարցերը»։
Ուկրաինայի և Ռուսաստանի մարդու իրավունքների պաշտպաններն առաջին անգամ հանդիպել էին 2022-ի հոկտեմբերի 17-ին գերիների փոխանակման ժամանակ։
Էմմա Չոբանյան
