06.08.2026 | 00:46
«Մուլտի գրուպ» կոնցեռնի նախկին տնօրեն Սեդրակ Առուստամյանը 2 ամսով կալանավորվեց
ԵԱՀԿ գործող նախագահը կայցելի Հայաստան ու Ադրբեջան
Քաղաքականություն
11.01.2023 | 10:15
ԵԱՀԿ գործող նախագահ, Հյուսիսային Մակեդոնիայի Հանրապետության արտաքին գործերի նախարար Բույար Օսմանին հեռախոսազրույց է ունեցել Հայաստանի Հանրապետության արտաքին գործերի նախարար Արարատ Միրզոյանի և Ադրբեջանի Հանրապետություն ԱԳ նախարար Ջեյհուն Բայրամովի հետ․ տեղեկացնում են ԵԱՀԿ-ի մամուլի ծառայությունից։
Նշվում է, որ քննարկվել է Հարավային Կովկասի տարածաշրջանում տիրող իրավիճակը՝ հատուկ շեշտադրելով Լաչինի միջանցքը։
Նախարար Օսմանին ընդգծել է, որ ուշդրությամբ հետևում է Լաչինի միջանցքի շուրջ ստեղծված իրավիճակին։ Նա իր մտահոգությունն է հայտնել քաղաքացիական բնակչության առօրյա կյանքի վրա դրա ազդեցության վերաբերյալ, կոչ արել կողմերին թուլացնել լարվածությունը և կառուցողական և արդյունավետ երկխոսության մեջ մտնել:
Նախագահ Օսմանին նշել է, որ Հայաստանի և Ադրբեջանի հարաբերությունների կարգավորումը և երկրների միջև վստահության ամրապնդման քայլերը՝ որպես ԵԱՀԿ-ի գործիքակազմի մաս, առանցքային տարրեր են՝ ընթացիկ մարտահրավերները հաղթահարելու համար, և որ դրանք ազդում են մարդկանց վրա։
Այս համատեքստում ԵԱՀԿ գործող նախագահ Օսմանին վերահաստատել է իր պատրաստակամությունը անձնական ներգրավվածությամբ՝ օգնելու թուլացնել լարվածությունը և նպաստել կայուն խաղաղությանն ուղղված ջանքերին: Նա նաև հայտնել է, որ առանձին այցեր է կազմակերպելու Հայաստան և Ադրբեջան։
