27.06.2026 | 09:03
ԱԱ-2026. Բելգիան ու Եգիպտոսը նվաճեցին փլեյ-օֆֆի ուղեգիր. ՏԵՍԱՆՅՈՒԹ
Ադրբեջանն ինքնակամ չի բացելու ճանապարհը․ միակ լուծումը 92 թվի պես գործողության պատրաստվելն է․ Թևան Պողոսյան․ ՏԵՍԱՆՅՈՒԹ
Քաղաքականություն
10.01.2023 | 21:32
«Արցախում ծանր իրավիճակ է, դժվարին, որն ունի շատ բացասական հետևանքներ բոլոր իմաստներով։ Բայց հիմա մարդկանց կողմից միասնականության և պատրաստակամության դասերի շարան է տրվում հայ ազգին»,- այսպես է ներկայացնում 30-օրյա շրջափակման մեջ գտնվող Արցախի դրությունը քաղաքագետ Թևան Պողոսյանը։
Ըստ նրա՝ Ադրբեջանի թիրախը ոչ միայն Արցախի հայերի կամքը կոտրելն է, այլև հայոց պետականությունը վերացնելը։
«Արցախցիների բարոյահոգեբանական վիճակը 90-ականներից տարբերվում է նրանով, որ այն ժամանակ ՀՀ-ում հնչում էր ձայն, որ մենք միասին ենք, պայքարելու ենք միացման համար, մենակ չենք թողնելու ձեզ և ամեն ինչ անելու ենք, որ օգնենք։ Դրա ապացույցը եղավ 92 թվականի լուծումը, երբ այդ բլոկադան բացվեց։ Այս անգամ էլ չկա որևէ նախադրյալ՝ ասելու, որ Ադրբեջանն ինքնակամ բացելու է միջանցքը, և իմ պատկերացմամբ՝ այս սցենարի ունեցած միակ լուծումը 92 թվականի նման գործողությունների պատրաստվելն է»,- ասաց Թևան Պողոսյանը։
Հիշեցնենք՝ 90-ականներին նույնպես Ադրբեջանը բլոկադայի էր ենթարկել Արցախը, և Լաչինով ճանապարհ բացվել է հայկական զինուժի կողմից ռազմական գործողությունների արդյունքում։
Հարցազրույցն ամբողջությամբ՝ տեսանյութում։
Ռոբերտ Անանյան
