30.10.2026 | 13:53
Հայաստանի և ԵՄ-ի ներկայացուցիչները քննարկել են վիզաների ազատականացման գործընթացում արձանագրված առաջընթացը
Հնդկաստանը կարող է սահմանափակել ռուսական նավթի գնումները. Telegraph India
Քաղաքականություն
10.01.2023 | 22:10
Հնդկաստանը որոշակի պայմաններում կարող է սահմանափակել նավթի գնումները Ռուսաստանից։ Այս մասին գրում է Telegraph India-ն՝ վկայակոչելով երկրի Նավթի և արդյունաբերության նախարարության անանուն ներկայացուցիչներին։
Պարբերականը նշում է, որ Հնդկաստանն ուշադիր հետևում է ռուսական նավթի նկատմամբ ԵՄ հնարավոր լրացուցիչ պատժամիջոցներին, քանի որ մինչ օրս բարելի դիմաց 60 դոլար գնի սահմանաչափը քիչ ազդեցություն է ունեցել Հնդկաստան արտահանման վրա։
«Աղբյուրը հայտնել է, որ սահմանափակումը չի ազդել ռուսական նավթի ներմուծման վրա, քանի որ ընթացիկ գինը կազմում է մեկ բարելի դիմաց 53-56 դոլար։ Սակայն կառավարությունը ծանր ու թեթև է անում տարբերակները, եթե ԵՄ-ն որոշի համընդհանուր երկրորդական պատժամիջոցներ սահմանել այն երկրների նկատմամբ, որոնք գնում են ռուսական նավթ»,-ասվում է հրապարակման մեջ։
Հիշեցնենք, որ Արևմուտքի կողմից սահմանված պատժամիջոցներից հետո Ռուսաստանը երրորդ ամիսն անընդմեջ մնում է Հնդկաստան նավթ արտահանող առաջատար երկիրը՝ դեկտեմբերին օրական մատակարարելով 1,17 մլն բարել հում նավթ։ Այս մասին են վկայում Vortexa վերլուծական ընկերության տվյալները:
Հնդկաստանը նավթ ներմուծող երրորդ երկիրն է աշխարհում՝ ներմուծելով հում նավթի իր պահանջարկի գրեթե 80%-ը:
Տաթև Ֆռանգյան
