14.12.2024 | 19:57
Ինչ իրավիճակ է ճանապարհներին 19։35-ի դրությամբ
«Նուբարաշեն» ՔԿ հիմնարկի ծառայողները կարտոֆիլի խյուսի մեջ նկատել են սպիտակ, բյուրեղանման զանգվածներ
Հասարակություն
10.01.2023 | 17:00
Հունվարի 9-ին՝ ժամը 16:00-ի սահմաններում, Հայաստանի Հանրապետության արդարադատության նախարարության «Նուբարաշեն» քրեակատարողական հիմնարկի ծառայողները, իրացնելով օպերատիվ տեղեկությունները, զննության են ենթարկել քաղաքացու կողմից կալանավորված անձի համար բերված հանձնուքը: Ինչպես տեղեկացնում են ՀՀ քրեակատարողական ծառայությունից, զննությամբ հանձնուքում առկա կարտոֆիլի խյուսի մեջ նկատվել են սպիտակ, բյուրեղանման զանգվածներ:
Նույն օրը՝ ժամը 17:00-ի սահմաններում, ՀՀ ԱՆ «Սևան» քրեակատարողական հիմնարկի պահպանության ապահովման բաժնի ծառայողը, հերթական շրջայց կատարելիս, հանձնուքների ընդունման սենյակի մոտակայքում հայտնաբերել է գետնին ընկած կասկածելի փաթեթ, որում առկա են եղել սպիտակ, փոշենման և բյուրեղանման առանձնացված զանգվածներ, ինչպես նաև՝ սպիտակ դեղահաբի կտորներ:
Ստուգելու նպատակով ստացված տեղեկություններն այն մասին, որ հայտնաբերվածները նախատեսված են եղել դատապարտյալ Ա. Մ.-ի համար, անվտանգության ապահովման բաժնի ծառայողները վերջինիս ենթարկել են անձնական խուզարկության, որի արդյունքում տաբատի գրպանից հայտնաբերել են դատարկ ներարկիչ։ Այնուհետև խուզարկել են դատապարտյալի կացարանը և նրա մահճակալի մոտ դրված փափուկ կահույքի միջից հայտնաբերել պոլիէթիլենային տոպրակով սպիտակ, փոշենման զանգված:
