05.11.2024 | 18:30
Նախաքննությամբ ձեռնարկված միջոցառումների արդյունքում 900 միլիոն դրամ է վերադարձվել պետությանը
Forbes-ը հրապարակել է 2022թ․ ամենաշատ ֆինանսական կորուստն ունեցած ռուս միլիարդատերերի ցանկը
Քաղաքականություն
10.01.2023 | 23:16
Forbes-ի 2021 թվականի վարկանիշում 123 ռուս միլիարդատեր է եղել, մեկ տարի անց նրանց թիվը կրճատվել է՝ հասնելով 88-ի։ 2022 թվականին Ուկրաինայում տիրող իրավիճակի, արևմտյան պատժամիջոցների և տնտեսական ճգնաժամի պատճառով նրանց ունեցվածքը շարունակել է նվազել։ Ամենաանհաջողակները կորցրել են գրեթե 11 մլրդ դոլար։
Ուկրաինայում «հատուկ գործողության» մեկնարկից ընդամենը երկու շաբաթ անց՝ մարտի 7-ին, Ռուսաստանը դարձավ համաշխարհային առաջատարը սահմանած պատժամիջոցների քանակով։ Տնտեսական պատերազմը հարվածել է ինչպես շարքային ռուսների, այնպես էլ երկրի ամենահարուստ ձեռնարկատերերի բարեկեցությանը։
Արևմտյան պատժամիջոցները ստիպել են նրանցից շատերին փրկել իրենց բազմամիլիարդանոց կայսրությունները, իսկ արժեթղթերի շուկայի անկումը նվազեցրել է կարողության գնահատականները: Forbes-ի տվյալներով՝ տարվա ընթացքում աղքատացել է 68 ռուս ձեռնարկատեր, որոնց կարողությունը 2022 թվականի դեկտեմբերին գերազանցել է 1 միլիարդ դոլարը։
Ամենաշատ վնասը կրել է «Սևերստալի» գլխավոր սեփականատեր Ալեքսեյ Մորդաշովը, որը հայտնվել է ԱՄՆ պատժամիջոցների տակ․ նա կորցրել է գրեթե 11 մլրդ դոլար։ Երկրորդ տեղը զբաղեցրել է Wildberries հիմնադիր Տատյանա Բակալչուկը, ում կարողությունը նվազել է Օզոնի գնանշումների անկումից հետո: Ամենաանհաջողակների եռյակը եզրափակում է Օլեգ Տինկովը, որն այս տարի դուրս մնաց միլիարդատերերի ցուցակից այն բանից հետո, երբ TCS Group-ում իր մասնաբաժինը վաճառեց Վլադիմիր Պոտանինին ընդամենը 260 միլիոն դոլարով։
Անհաջողակ ռուսաստանցի միլիարդատերերի տասնյակում են նաև Ռոման Աբրամովիչը, Վահիդ Ալեքպերովը, Լեոնիդ Ֆեդունը, Վիկտոր Վեքսելբերգը, Գենադի Տիմչենկոն, Լեոնիդ Միխելսոնը և Իգոր Ալտուշկինը։
Տաթև Ֆռանգյան
