07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Հայտնի են դարձել Պուտինի և Սի Ցզինպինի զրույցի մանրամասները «հատուկ ռազմական օպերացիայի» նախաշեմին․ FT-ի անդրադարձը
Քաղաքականություն
10.01.2023 | 16:51
Ռուսաստանի նախագահ Վլադիմիր Պուտինը չի զգուշացրել Չինաստանի նախագահ Սի Ցզինպինին Ուկրաինայում «հատուկ ռազմական օպերացիայի» մեկնարկի մասին։ Երկու երկրների ղեկավարների զրույցի մանրամասները հրապարակել է Financial Times-ը:
Ըստ պարբերականի՝ ՌԴ առաջնորդը Ուկրաինայում ռազմական գործողությունների նախաշեմին իր չինացի գործընկերոջն ասել է, որ Մոսկվան պատրաստ կլինի անմիջապես պատասխանել Ուկրաինայի ագրեսիային։ Պարբերականի տվյալներով՝ Պուտինի խոսքերը գործողության նախօրեին հետագայում վերածվել են նրա նկատմամբ Չինաստանի կառավարության կողմից անվստահության։
Հոդվածում նշվում է, որ Չինաստանի իշխող շրջանակներում հնարավոր են համարել նաև այն սցենարը, որ Ռուսաստանն ուկրաինական հակամարտությունից դուրս կգա որպես «երկրորդական տերություն, որն ունի ավելի քիչ քաղաքական և տնտեսական ազդեցություն համաշխարհային ասպարեզում»։
Ավելի վաղ Global Times-ի չինական հրատարակությունը հայտնել էր, որ ԱՄՆ-ը մտավախություն ունի Մոսկվայի և Պեկինի մերձեցումից, սակայն նման մտահոգությունն անհեթեթ է, իսկ ամերիկացի քաղաքական գործիչների հայտարարությունները չեն համապատասխանում իրականությանը։
Վլադիմիր Պուտինի և Սի Ցզինպինի հանդիպումը տեղի է ունեցել փետրվարի 4-ին՝ Պեկինում Օլիմպիական խաղերի բացման նախօրեին։ Կրեմլի խոսնակ Դմիտրի Պեսկովն այն անվանել էր ջերմ, գործընկերային և դաշնակցային։
Տաթև Ֆռանգյան
