13.12.2024 | 18:30
Կրասնոդարում դպրոցականների վրա դանակով հարձակված ՀՀ քաղաքացի դեռահասի ծնողները կվտարվեն ՌԴ-ից
Շոյգուն ռազմավարական միջուկային ուժերն անվանել է ՌԴ ինքնիշխանության գլխավոր երաշխավորը
Քաղաքականություն
10.01.2023 | 15:38
ՌԴ պաշտպանության նախարար Սերգեյ Շոյգուն ռազմավարական միջուկային ուժերն անվանել է Ռուսաստանի ինքնիշխանության գլխավոր երաշխավոր, փոխանցում է DW-ի ռուսական ծառայությունը։
«Մենք կշարունակենք զարգացնել միջուկային եռյակը և պահպանել դրա մարտունակությունը, քանի որ միջուկային վահանը եղել և մնում է մեր պետության ինքնիշխանության ու տարածքային ամբողջականության գլխավոր երաշխավորը»,- ասել է նա երեքշաբթի պաշտպանական գերատեսչությունում խորհրդակցության ժամանակ։
Բացի այդ, Շոյգուի խոսքով, Ռուսաստանի ղեկավարությունը մտադիր է ուժեղացնել օդատիեզերական ուժերի մարտունակությունը։ Նա պարզաբանել է, որ խոսքը հակաօդային պաշտպանության ժամանակակից համակարգերի շահագործման ոլորտում կործանիչների և ռմբակոծիչների աշխատանքի, ինչպես նաև մարտական անօդաչու թռչող սարքերի կատարելագործման մասին է։
Ըստ Շոյգուի՝ անհրաժեշտ է նաև «հնարավորինս շուտ վերջնականապես մշակել անձնակազմի հանդերձանքն ու մարտավարական սարքավորումները»։
«Մենք պետք է բարելավենք վերահսկման և կապի համակարգը, այդ նպատակով մենք ակտիվորեն կօգտագործենք արհեստական ինտելեկտի տեխնոլոգիաները»,- հավելել է նա։
Ռուսական վմիջուկային եռյակը» ներառում է ռազմավարական հրթիռային ուժեր, ռազմավարական ավիացիա և միջուկային սուզանավային հրթիռակիրներ։
Տաթև Ֆռանգյան
