17.12.2025 | 13:25
FIFA The Best. Մեսիի ընտրությունը, Ռոնալդուն դարձյալ չի քվեարկել
Մենք բացառում ենք ՀՀ տարածքով արտատարածքային միջանցքի գոյությունը․ Փաշինյան․ ՏԵՍԱՆՅՈՒԹ
Քաղաքականություն
10.01.2023 | 14:43
«Ես չէի ասի, որ ռուս խաղաղապահներն ընդհանրապես չեն կատարում իրենց պարտականությունները։ Մենք խոսում ենք կոնկրետ իրադարձությունների մասին է՝ Լաչին, Խծաբերդ, Փառուխ։ Մենք չենք ասում, որ նրանք ոչինչ չեն անում, չենք ասում, որ նրանք ընդհանրապես չեն կատարում իրենց պարտականությունները»,- այս մասին այսօր հրավիրված ասուլիսի ժամանակ նշեց ՀՀ վարչապետ Նիկոլ Փաշինյանը:
Նա հավելեց, որ ԼՂ հարցերը պետք է քննարկվեն Լեռնային Ղարաբաղի ընտրված ներկայացուցիչների մասնակցությամբ, նրանք պետք է որոշումներ կայացնեն։
«Մենք աջակցում ենք նրանց հումանիտար հարցերում և ամեն ինչով, ինչով կարող ենք։ Բայց Հայաստանը, 2020 թվականի նոյեմբերի 9-ի հայտարարության 6-րդ կետի համաձայն, Լաչինի միջանցքում որևէ գործառույթ չունի»,- նշեց վարչապետը՝ ևս մեկ անգամ ընդգծելով, որ դա ռուս խաղաղապահների պատասխանատվության գոտին է։
Անդրադառնալով հարցին, թե արդյոք ՀՀ և Ադրբեջանի իշխանությունների միջեև տեղի են ունենում բանակցություններ Լաչինի միջանցքի հետ կապված, Փաշինյանը հայտարարեց․ «Մենք բացառում ենք Հայաստանի տարածքով արտատարածքային միջանցքի գոյությունը։
Նման խոսույթ չկա։ Անհեթեթություն են որոշակի պայմանավորվածությունների, բանավոր պայմանավորվածությունների մասին խոսակցությունները։ Ընդ որում՝ ապացուցելի անհեթեթություն»։
Մանրամասները՝ տեսանյութում։
