27.06.2026 | 15:22
Ռաիսա Մկրտչյանի մահվան կապակցությամբ ստեղծվել է թաղման հանձնաժողով
Խաղաղության պայմանագրի տեքստը կատարյալ չի լինելու, եկեք էս գլխից հասկանանք․ Փաշինյան․ ՏԵՍԱՆՅՈՒԹ
Քաղաքականություն
10.01.2023 | 14:27
«Մեզ համար կարմիր գիծ է, եթե խաղաղության պայմանագրի տեքստը չհամապատասխանի ՀՀ պետական շահերին»,- այսօր հրավիրած ասուլիսում նշեց վարչապետ Նիկոլ Փաշինյանը։
«Մենք մեր արձագանքներն ուղարկել ենք Ադրբեջանին և դեռ պատասխան չենք ստացել։ Ես ասել եմ, որ մենք պատրաստ ենք ստորագրել, մեզնից կախված ամեն ջանք կգործադրենք, որ ստորագրենք խաղաղության փաստաթուղթ։ Այսօր էլ եմ ասում։
Ես ասում եմ՝ եթե սեղանին թուղթ լինի, որը մենք պատրասվում ենք ստորագրել, դա ոչ թե վատ լուր կլինի, այլ լավ լուր կլինի, որովհետև նշանակում է, որ մեզ հաջողվել է ի վերջո գալ մի կետի, որտեղ բալանսավորված համարել ենք, որ ՀՀ շահերը պաշտպանվում են։
Հիմա արդեն պրոբլեմը ոչ թե թղթի բովանդակությունն է, այլ թղթի բովանդակության իրագործման մեխանիզմը։ Որովհետև նոյեմբերի 9-ին էլ մենք ստորագրած թուղթ ունենք, բայց փաստն այն է, որ այդ թուղթը չի կատարվում։ Այսինքն՝ միայն թուղթ ստորագրելը բավարար չէ։ Մենք կարող ենք խաղաղության պայմանագիր ստորագրել, և հաջորդ օրը կամ երեք օր հետո կարող է նոր ռազմական էսկալացիա լինի։ Անունը դնենք խաղաղության պայմանագիր, ստորագրենք, տեքստն էլ կատարյալ չի լինելու, եկեք էս գլխից բոլորս հասկանանք, բայց կարող է համապատասխանել բալանսավորված ՀՀ շահերին։ Բայց եթե այդ թղթի կիրառման և իրագործման մեխանիզմներ չլինեն, մենք կարող ենք խաղաղության պայմանագիր անունով փաստաթուղթ ստորագրել և մի շաբաթ հետո ստանանք նոր պատերազմ կամ նոր էսկալյացիա»,- նշեց Փաշինյանը։
Մանրամասները՝ տեսանյութում։
