09.09.2026 | 13:37
Մարիա Կարապետյանը՝ Արտաքին հարաբերությունների մշտական հանձնաժողովի փախնախագահ
«Զորավարժության նույն սցենարով 2022-ին հարձակում է եղել, բայց գործողությունները տարբերվել են»․ Արեգ Քոչինյանը՝ ՀՕՊ-ի մասին․ ՏԵՍԱՆՅՈՒԹ
Քաղաքականություն
10.01.2023 | 13:50
«ՀՀ-ն և ՌԴ-ն ունեն հակաօդային պաշտպանության միացյալ միավորումեր, որոնք ի թիվս այլ պարտավորությունների, պարտավորություն ունեն նաև պաշտպանել ՀՀ օդային տարածքը ուղիղ հարձակման դեպքում, և ռազմական ագրեսիայի դեպքում պետք է ենթարկվեն ՀՀ ՀՕՊ զորքերի հրամանատարին։
Սակայն այդ միացյալ ՀՕՊ-ը մարտի մեջ չի մտել այն ժամանակ, երբ Հայաստանի վրա հարձակում է տեղի ունեցել, ընդ որում՝ հիմնականում ԱԹՍ-ների կողմից հարձակում է տեղի ունեցել մի շարք կետերում՝ Ջերմուկ Վարդենիս, Կապան և այլն։ ՀՕՊ միացյալ ստորաբաժանումներն անգամ մարտական վիճակի չեն բերվել»,- «ՀՀ անվտանգության համակարգի սահմանափակումները և դրանց հաղթահարման հնարավորությունները» աշխատության քննարկման ժամանակ այս մասին նշեց ռազմաքաղաքական հարցերով փորձագետ Արեգ Քոչինյանը։
Փորձագետի դիտարկմամբ՝ այդ ամենի արդյունքում, երկու հիմնական եզրակացության կարելի է հանգել՝ կա՛մ ՀՕՊ միացյալ ստորաբաժանումները մարտունակ չեն եղել, կա՛մ հայկական կողմի հրամանների կատարման համակարգը չի գործում։
«Տարիներ առաջ ՀՀ-ում ՀԱՊԿ զորավարժությունների ժամանակ արձագանքել են հակառակորդի «հարձակմանը»։ Զորավարժության նույն սցենարով 2022-ին իրականում հարձակում է եղել, բայց արձագանքը և գործողությունները տարբեր էին։ Ըստ էության՝ խոսքը ոչ թե անպատրաստ լինելու այլ քաղաքական կամքի բացակայությա մասին է»,- ընդգծեց Քոչինյանը։
Մանրամասները՝ տեսանյութում։
