23.03.2026 | 11:23
Իրանը սպառնում է հարվածել Իսրայելի և Պարսից ծոցի էլեկտրակայաններին, եթե իր էներգետիկ ոլորտը թիրախավորվի
Եթե պարզվի՝ ՌԴ-ն չի կարողանում կատարել իր պարտավորությունները, ինքը պետք է դիմի ՄԱԿ-ի ԱԽ․ Փաշինյան․ ՏԵՍԱՆՅՈՒԹ
Քաղաքականություն
10.01.2023 | 13:14
«Սա մեծ հաշվով սադրանք է, որն ունի երկու նպատակ՝ կոտրել Լեռնային Ղարաբաղի մեր հայրենակիցների կամքը՝ ապրելու սեփական տանը, սեփական հայրենիքում, երկրորդը՝ Հայաստանին ներքաշելու ավելի մեծ սադրանքի մեջ»,- Լաչինի միջանցքն արգելափակելու՝ Ադրբեջանի նպատակներն այսպես մեկնաբանեց վարչապետ Նիկոլ Փաշինյանը՝ այսօր հրավիրված ասուլիսում։
Վարչապետի դիտարկմամբ՝ հայկական կողմն այս խնդրին պետք է հետևողական և մտածված քայլերով արձագանքի։ «Առաջինը՝ եղած միջազգային արձագանքը պետք է փորձենք կապիտալիզացնել հենց Լեռային Ղարաբաղում, հենց Լաչինի միջանցքում։ Այստեղ շատ կարևոր է ՌԴ դիրքորոշումը և ՌԴ խաղաղապահ զորախմբի գործունեությունը»,- նշեց Փաշինյանը։
Հիշեցնելով Լաչինի միջանցքի շրջափակումից առաջ իր հարցազրույցներից մեկում արած հայտարարությունը՝ վարչապետը նշեց․ «Ես ասել եմ, որ եթե պարզվի, որ ՌԴ այդ պարտավորությունները չի կարողանում կատարել՝ օբյեկտիվ կամ սուբյեկտիվ պատճառներով, որպես ՄԱԿ Անվտանգության խորհրդի մշտական անդամ, ինքը պետք է դիմի ՄԱԿ-ի Անվտանգության խորհրդին՝ կա՛մ ռուսական խաղաղապահ զորախմբին միջազգային մանդատով օժտելու, կա՛մ Լեռնային Ղարաբաղ նոր բազմազգ խաղաղապահ առաքելություն ուղարկելու համար, որը կապահովի նոյեմբերի 9-ի եռակողմ հայտարարությամբ հաստատված անվտանգային ճարտարապետությունը»։
Մանրամասները՝ տեսանյութում։
