16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Էրդողանը կարող է հանդիպել Ասադին Թուրքիայում ընտրություններից առաջ
Քաղաքականություն
10.01.2023 | 14:10
Թուրքիայի նախագահ Թայիփ Էրդողանը կարող է հանդիպել Սիրիայի նախագահ Բաշար Ասադի հետ՝ մինչև Թուրքիայում կայանալիք նախագահական ընտրությունները։ Այս մասին հայտնում է Aydınlık պարբերականը՝ հղում անելով իր աղբյուրներին, փոխանցում է ՌԻԱ Նովոստին։
«Հարաբերությունների կարգավորման երրորդ փուլում սպասվում է նախագահ Ռեջեփ Թայիփ Էրդողանի և Սիրիայի նախագահ Բաշար Ասադի հանդիպումը»,- գրում է լրատվականը։
Նշվում է, որ Էրդողանն ավելի վաղ հայտարարել էր, որ չեն ցանկանում շատ ձգձգել կարգավորման գործընթացը և հասկացրել, որ կարող է հանդիպել Ասադի հետ։
«Ենթադրվում է, որ նախագահ Էրդողանը կարող է հանդիպել Սիրիայի ղեկավարի հետ մինչև 2023 թվականի ընտրությունները, որոնք նախատեսվում է անցկացնել մայիսին»,- նշում է լրատվականը։
Հիշեցնենք, որ դեկտեմբերին Մոսկվայում տեղի էր ունեցել Թուրքիայի, Սիրիայի և ՌԴ-ի ՊՆ ղեկավարների ու հետախուզական ծառայությունների ղեկավարների եռակողմ հանդիպումը։ Սա Թուրքիայի ու Սիրիայի պաշտոնյաների առաջին հանդիպումն էր 2011 թվականից ի վեր։
Էմմա Չոբանյան
