16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ուկրաինան հայտարարել է Սոլեդարի և Բախմուտի շրջանում ՌԴ հարձակումը հետ մղելու մասին
Քաղաքականություն
10.01.2023 | 12:34
Ուկրաինայի գլխավոր շտաբն առավոտյան իր զեկույցում նշել է, որ Ուկրաինայի զինված ուժերին հաջողվել է հետ մղել հարձակումները Դոնեցկի և Լուգանսկի շրջանների 13 բնակավայրերի տարածքում, այդ թվում՝ Սոլեդարի և Բախմուտի շրջաններում, գրում է BBC-ի ռուսական ծառայությունը։
«Հակառակորդը հարձակողական գործողություններ է իրականացնում Բախմուտում և այլ ուղղություններում՝ կենտրոնացնելով իր ուժերը վարչական սահմաններում Դոնեցկի շրջանը գրավելու վրա, բայց ոչ մի հաջողություն»,- ասվում է զեկույցում։
Նախօրեին ուկրաինացի լրագրող Յուրի Բուտուսովը պնդել էր, որ երկուշաբթի երեկոյան իրավիճակը Սոլեդարում դարձել է վտանգավոր ուկրաինացի զինվորականների համար։ Նրա խոսքով՝ ռուսական ուժերը հասել են մի դիրքի, որտեղից կարող են կրակի տակ պահել քաղաքն ու դրա կայազորը ուկրաինական թիկունքին կապող մայրուղին։ «Սա ամբողջական շրջափակում չէ, բայց երթուղու երկայնքով նորմալ մատակարարումներն անհնարին են, սա չափազանց կարևոր է պաշտպանության համար»,- ասել է Բուտուսովը։
Պատերազմի ուսումնասիրման ամերիկյան ինստիտուտը (ISW) գրում է, որ ռուսական զորքերը ամրացրել են իրենց դիրքերը Սոլեդարի և Բախմուտի շրջաններում։ Մի քանի ռուս ռազմական բլոգերներ էլ տեղեկացրել են, որ «Վագների» մարտիկները թաղամաս առ թաղամաս առաջ են շարժվում Սոլեդարում ու Բախմուտից հյուսիսարևելք ընկած այլ կարևոր բնակավայրերում, ինչպես նաև Բախմուտի շրջանում։
