21.03.2026 | 11:30
26 երկիր, ավելի քան 100 նախագիծ, 30,000 բնակարան. «TOON EXPO» 2026-ի մասշտաբներն ընդլայնվում են․ ՏԵՍԱՆՅՈՒԹ
«Եդինայա Ռոսիայի» տվյալների բազայից հեռացրել են նրանց, ովքեր չեն աջակցում ուկրաինական պատերազմին
Քաղաքականություն
09.01.2023 | 18:54
ՌԴ իշխող «Եդինայա Ռոսիա» կուսակցությունը ընտրական շրջափուլի մեկնարկից առաջ մաքրել է իր կողմնակիցների «մոբիլիզացիոն բազան»՝ այնտեղից բացառելով նրանց, ովքեր չեն աջակցում Ուկրաինայում պատերազմին, հայտնում է Meduza-ն՝ վկայակոչելով «Վեդոմոստին»։
Ինչպես լրագրողներին հայտնել են կուսակցական աղբյուրները, տվյալների բազայում 25 միլիոն մարդուց ինչ-որ պահի մնացել է ընդամենը 9 միլիոնը, որից հետո ավելացել է ևս 4 միլիոն անուն, այսինքն՝ այժմ կուսակցությունը 13 միլիոն մարդու դասում է «Եդինայա Ռոսիայի» համակիրների շարքին։ Լրատվամիջոցի զրուցակիցների խոսքով՝ բազայի մաքրման համար օգտագործվել են արհեստական ինտելեկտ ու հատուկ ալգորիթմներ, որոնք իրականացրել են համակիրների սոցցանցերի էջերի ստուգում, հիմնականում՝ Odnoklassniki-ում և VKontakte-ում։
«Եթե կուսակցության համակիրներից ինչ-որ մեկը դեմ է արտահայտվել հատուկ գործողությանը, և ալգորիթմը գտել է նրան, և հետո մեկ այլ ստուգում հաստատել է նրա տեսակետները, ապա նա դուրս է մնացել մեր տվյալների բազայից։ Ստուգման ալգորիթմներում ներառված են ինչպես բացասական, այնպես էլ դրական գործողությունները: Դրա համար մենք նաև բացահայտում ենք ռազմական հատուկ գործողության կողմնակիցներին»,-ասել է պարբերականի զրուցակիցը։
Էմմա Չոբանյան
