01.06.2026 | 22:54
Ինչպես հայտագրել առաջին դասարանցիներին
Ուկրաինան Վրաստանին խնդրել է «Բուկ» համալիրներ փոխանցել, սակայն Թբիլիսին մերժել է
Քաղաքականություն
09.01.2023 | 18:25
Ուկրաինան Վրաստանին խնդրել է իրեն փոխանցել «Բուկ» համալիրները, որոնք Կիևն ուղարկել էր Վրաստանին 2008 թվականին Ռուսաստանի հետ պատերազմի ժամանակ։ Այս մասին իր հոդվածում հայտնում է Վրաստանում Ուկրաինայի գործերի ժամանակավոր հավատարմատար Անդրեյ Կասյանովը, գրում է BBC-ի ռուսական ծառայությունը։
Նշվում է նաև, որ Ուկրաինան Վրաստանին խնդրել է փոխանցել Javelin հակատանկային համակարգեր, որոնք Թբիլիսին ստացել է ԱՄՆ-ից։ Ըստ Կասյանովի՝ Վաշինգտոնը համաձայնել է նման տեղափոխությանը և նույնիսկ առաջարկել համալիրները փոխարինել ավելի նորերով, սակայն Վրաստանը հրաժարվել է Ուկրաինային ռազմական օգնություն ցուցաբերել։
«Ուկրաինան հանդես է գալիս ներքաղաքական վեճերում այդ հարցն օգտագործելու դեմ ու մերժում Վրաստանին ՌԴ-ի հետ պատերազմի մեջ ներքաշելու փորձի վերաբերյալ ցանկացած մեղադրանք»,- գրում է Ուկրաինայի գործերի ժամանակավոր հավատարմատարը։
Էմմա Չոբանյան
