17.08.2026 | 09:45
Գյումրիում հորդառատ անձրևի հետևանքով ջրալցվել են նկուղներ և բակեր․ ԼՈՒՍԱՆԿԱՐՆԵՐ
«Աստծո և մարդկության դեմ հանցագործություն»․ Հռոմի պապը՝ Ուկրաինայում պատերազմի մասին
Քաղաքականություն
09.01.2023 | 17:07
Ուկրաինայում խաղաղ բնակչությանը և քաղաքացիական ենթակառուցվածքներին ռուսական հարվածները «հանցագործություն են Աստծո և մարդկության դեմ»։ Այս մասին Հռոմի Ֆրանցիսկոս պապն ասել է հունվարի 9-ին դիվանագետներին ուղղված իր ամենամյա ելույթում, փոխանցում է Reuters-ը։ Քահանայապետն ասել է, որ Ուկրաինայում պատերազմը բերել է «մահ և ավերածություններ», մինչդեռ մարդիկ մահանում են «ոչ միայն կրակոցների և բռնության հետևանքով, այլև սովի և սառնամանիքի պատճառով»։
Հռոմի պապը վկայակոչել է Վատիկանի սահմանադրությունը՝ նշելով, որ «պատերազմի յուրաքանչյուր գործողություն, որն ուղղված է ամբողջ քաղաքների կամ հսկայական տարածքների ՝ իրենց բնակիչներով անխտիր ոչնչացմանը, հանցագործություն է Աստծո և մարդկության դեմ, որն արժանի է վճռական և միանշանակ դատապարտման»:
Reuters-ը գրում է, որ Ֆրանցիսկոսը նաև հիշատակել է 1962 թվականի կուբայական ճգնաժամը, երբ ԽՍՀՄ-ն ու ԱՄՆ միջուկային պատերազմի շեմին էին։ Պապը կարծում է, որ «այսօր, ցավոք, կրկին միջուկային սպառնալիք կա, և աշխարհը կրկին վախ ու տխրություն է զգում»։ Նա կոչ է արել ամբողջությամբ արգելել միջուկային զենքը՝ ասելով, որ նույնիսկ զսպման նպատակով այն պահելն անբարոյականություն է։
Տաթև Ֆռանգյան
