07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ուկրաինայի զորքերը հետ են մղել Բախմուտի վրա հարձակումները և դիրքեր են պահում Սոլեդարում. Զելենսկի
Քաղաքականություն
09.01.2023 | 15:35
Ուկրաինական զորքերը հետ են մղել Բախմուտի վրա անդադար հարձակումները և շատ ծանր պայմաններում դիրքեր են պահում մերձակա Սոլեդարում, կիրակի օրը հայտարարել է Ուկրաինայի նախագահ Վլադիմիր Զելենսկին, գրում է VOA-ն։ «Բախմուտը դիմանում է, ինչ էլ որ լինի։ Եվ չնայած քաղաքի մեծ մասն ավերվել է ռուսական հարվածներից, մեր զինվորականները պայքարում են ռուսական մշտական հարձակողական փորձերի դեմ»,- ասել է Զելենսկին իր երեկոյան տեսաուղերձում։
Ըստ Ուկրաինայի նախագահի՝ Ռուսաստանն իրականում չի հետևել հրադադարին, որի մասին հայտարարել էր ուղղափառների Սուրբ Ծննդյան օրվա կապակցությամբ՝ շարունակելով իր հարձակումները ուկրաինական քաղաքների վրա։ «Սուրբ Ծննդյան տոներից անմիջապես հետո ռուսները հրկիզող զինամթերքով հարվածում են Խերսոնին», – ասել է նա։ Ըստ Զելենսկիի՝ Կրամատորսկի և Դոնբասի այլ քաղաքների քաղաքացիական օբյեկտների վրա հարձակումներ են իրականացվել հենց այն ժամանակ, երբ Մոսկվան հայտնել էր իր բանակի, իբրև , «լռության» մասին»։
Կիրակի ավելի վաղ Մոսկվան հայտարարել էր, որ Բախմուտից հյուսիս-արևմուտք գտնվող Կրամատորսկի վրա հրթիռային հարձակման հետևանքով սպանվել է 600 ուկրաինացի զինվորական, սակայն Reuters-ի լրագրողը, որն այցելել էր իրադարձությունների վայր, հայտնել է, որ այդ տեղեկությունները հաստատող ապացույցներ չի գտել։
