01.11.2024 | 21:16
Ադրբեջանի Մեջլիսի նախագահն ու Բաքվում ՌԴ դեսպանը Եվրախորհրդարանի «հակաադրբեջանական գործողություններն» են քննարկել
Արցախի ԱԱԾ-ն՝ քաղաքացու գերեվարման մասին․ Ֆրանսիայի ԱԺ նախագահը Երևան կժամանի․ Լուրեր
Քաղաքականություն
09.01.2023 | 13:33
- Արցախի ԱԱԾ-ից հայտնել են, որ երեկ Շուշիի մոտ հայկական կողմին հանձնված Արցախի քաղաքացին գերեվարվել էր դեռևս հունվարի 1-ին։ Ստեփանակերտից հայտնում են, որ Ադրբեջանի ԶՈւ-ն Արցախի քաղաքացուն գերեվարել էր Ճարտարի հատվածում, և պնդումները, թե նա մոտեցել է Շուշիի ադրբեջանական անցակետին ու օգնություն է խնդրել, կեղծիք են։
- Արցախի ԿԳՄՍՆ-ից հայտնել են, որ Արցախը Հայաստանին կապող Լաչինի միջանցքի շրջափակման պայմաններում նախադպրոցական հաստատությունների, հանրակրթական դպրոցների նախադպրոցական խմբերի և երկարօրյա ռեժիմով աշխատող դպրոցների աշխատանքը սննդի ոչ բավարար մատակարարման պատճառով ժամանակավորապես կկասեցվի։ Հանրակրթական դպրոցները կշարունակեն գործել բնականոն հունով:
- Ֆրանսիայի Ազգային ժողովի նախագահ Յաել Բրոն-Պիվեն հայտնել է, որ պատգամավորական խմբի հետ Հայաստան է ժամանելու՝ Ֆրանսիայի ազգային ժողովի աջակցությունը վերահաստատելու համար։
Այս ժամի լուրերը՝ տեսանյութում։
