27.06.2026 | 16:47
Խնդրում ենք մերժել բոլոր դիմումները և ուժի մեջ թողնել ԿԸՀ 259-Ա որոշումը. Հովակիմյան. ՏԵՍԱՆՅՈւԹ
ԵԱՀԿ ղեկավարը դեմ է կազմակերպությունից Ռուսաստանի հեռացմանը
Քաղաքականություն
09.01.2023 | 13:55
ԵԱՀԿ գլխավոր քարտուղար Հելգա Շմիդտը կազմակերպությունից Ռուսաստանի հեռացմանը դեմ է, գրում է DW-ի ռուսական ծառայությունը։ «Կարծում եմ այսօրվա իրավիճակում իմաստ ունի, որ Ռուսաստանը շարունակի մնալ ԵԱՀԿ անդամ։ Մի օր մեզ կրկին կապի ուղիներ պետք կլինեն»,- ասել է նա գերմանական Die Welt թերթին տված հարցազրույցում։
Շմիդտի խոսքով՝ դիվանագիտական ուղիների պահպանումը չի նշանակում, որ կազմակերպությունը համաձայն է Մոսկվայի դիրքորոշման հետ։ Ըստ նրա՝ ԵԱՀԿ-ն միակ կազմակերպությունն է անվտանգության ոլորտում, որում մեկ սեղանի շուրջ են նստում եվրոպական անվտանգային ճարտարապետության մեջ էական դերակատարում ունեցող կողմերը։
Կազմակերպության ղեկավարը նշել է, որ ԵԱՀԿ-ն ստեղծվել է Սառը պատերազմի ժամանակ այն երկրների կողմից, որոնք ունեին տարբեր շահեր, սակայն ձգտում էին կանխել էսկալացիան։ Բացի այդ՝ ի տարբերություն Եվրոպայի խորհրդի, ըստ նրա՝ ԵԱՀԿ-ում մեխանիզմ չկա, որի միջոցով հնարավոր կլիներ Ռուսաստանին բացառել։ Այսպիսով՝ Շմիդտն, ըստ էության, պատասխանել է Ուկրաինայի ԱԳ նախարար Դմիտրի Կուլեբայի կոչերին․ Կուլեբան հայտարարել էր Ուկրաինա ներխուժման համար ՌԴ-ին կառույցից հեռացնելու անհրաժեշտության մասին։
Էմմա Չոբանյան
