26.02.2026 | 20:05
«Այվազովսկի» օգտատերը ձերբակալվել է տիկտոկում Փաշինյանի հասցեին վիրավորանքի համար՝պնդում է փաստաբանը. ՏԵՍԱՆՅՈՒԹ
Ռուսաստանն Ուկրաինայի դեմ հինգերորդ սերնդի Սու-57 կործանիչ է օգտագործել․ բրիտանական հետախուզություն
Քաղաքականություն
09.01.2023 | 14:14
2022 թ.-ի հունիսից սկսած Ռուսաստանի օդատիեզերական ուժերը, հավանաբար, օգտագործել են հինգերորդ սերնդի Սու-57 բազմաֆունկցիոնալ կործանիչը՝ Ուկրաինայի դեմ առաջադրանքներ իրականացնելու համար։ Այս մասին ասվում է Մեծ Բրիտանիայի պաշտպանության նախարարության հետախուզության ամենօրյա զեկույցում, գրում է BBC-ի ռուսական ծառայությունը։
Սա Ռուսաստանի ամենաժամանակակից գերձայնային մարտական ինքնաթիռն է։ Ըստ բրիտանական հետախուզության՝ Սու-57-ի գործողությունները, հավանաբար, սահմանափակվել են Ռուսաստանի տարածքում թռիչքներով և Ուկրաինայի տարածք «օդ-երկիր» կամ «օդ-օդ» հեռահար հրթիռների արձակմամբ։ Հանրությանը հասանելի դարձած վերջին լուսանկարներում երևում է, որ հինգ Սու-57 ինքնաթիռներ գտնվում են Ախտուբինսկի ավիաբազայում։
Զեկույցի հեղինակները նշում են, որ Ռուսաստանը զգուշանում է Ուկրաինայում նորագույն ինքնաթիռի կորստից, ինչը լրջորեն կարող է վնասել Սու-57-ի հեղինակությունը և դրա արտահանման հնարավորությունները։ Բրիտանական հետախուզության համաձայն՝ Ռուսաստանը նախկինի պես հակված չէ ռիսկի դիմել՝ կիրառելով իր օդուժը Ուկրաինայում։
Էմմա Չոբանյան
