04.04.2026 | 17:58
ԱՄՆ կառավարության փոխանակման ծրագրերի շրջանավարտների համար նոր հնարավորություն․ մեկնարկել է 2026-ի դրամաշնորհային ծրագիրը
Մասնավոր հատվածում աշխատավարձի աճը 6 անգամ ավելի է պետական հատվածից
Հասարակություն
09.01.2023 | 11:45
Այս տարվա նոյեմբերին միջին անվանական աշխատավարձը Հայաստանում աճել է 22,6 %-ով։ Այս մասին տեղեկացնում է Վիճակագրական կոմիտեն։ Այս աճը մեծապես պայմանավորված է մասնավոր հատվածում աշխատավարձերի բարձրացմամբ։ Ոչ պետական հատվածում աշխատավարձն աճել է 28,6 %-ով, պետական հատվածում՝ 4,6 %: Այսպիսով՝ պետական հատվածում միջին անվանական աշխատավարձը կազմել է 186 հազար 293 դրամ, մասնավոր հատվածում՝ 274 հազար 275 դրամ։
Ընդհանուր առմամբ՝ հունվար-նոյեմբեր ամսիներին նախորդ տարվա նույն ժամանակահատվածի համեմատ միջին աշխատավարձն աճել է 14,6 %-ով։
Հիշեցնենք, որ ՀՀ վարչապետ Նիկոլ Փաշինյանը տարեվերջին Կենտրոնական բանկում ունեցած իր ելույթում նշել էր, որ միջին աշխատավարձը աճել է գնաճից երեք անգամ ավելի։ Փաշինյանը չէր մասնավորեցրել՝ որ ամսվա տվյալների մասին է խոսքը։ Այնուամենայնիվ, վիճակագրական կոմիտեի հրապարակված վերջին տվյալները նոյեմբեր ամսվա վերաբերյալ են։ 2022-ի նոյեմբերին նախորդ տարվա նույն ամսվա համեմատ գնաճը կազմել է 8․8 %, իսկ աշխատավարձի բարձրացումը՝ 22,6 %։ Դեկտեմբեր ամսվա վերաբերյալ տվյալները կհրապարակվեն հունվարի վերջին։
Անժելա Պողոսյան
