17.08.2026 | 10:46
Թավրիզ–Երևան չվերթները երկու տարվա դադարից հետո կվերականգնվեն
Քևին Մաքքարթին ընտրվել է ԱՄՆ Կոնգրեսի Ներկայացուցիչների պալատի խոսնակ
Քաղաքականություն
07.01.2023 | 11:07
Ավարտվեցին 1859 թվականից ի վեր ԱՄՆ Կոնգրեսի ստորին պալատի խոսնակի ամենաերկար տևած ընտրությունները. շաբաթ երեկոյան հանրապետականների առաջնորդ Քևին Մաքքարթին կարողացավ հաղթանակ կորզել քվեարկության 15-րդ փուլում. գրում է euronews-ի ռուսական ծառայությունը։
Կալիֆորնիայի 57-ամյա ներկայացուցիչը ստացել է 216 ձայն։ Դեմոկրատ Հակիմ Ջեֆրիսը ստացել է 212 ձայն։ Եվս 6 օրենսդիր չի սատարել թեկնածուներից ոչ մեկին։
Նախորդ փուլում մրցավազքի ֆավորիտը, որը բախվել էր նախկին նախագահ Դոնալդ Թրամփի մի խումբ արմատական համախոհների դիմադրությանը, կարողացել էր իր կուսակիցներից 10-ին իր կողմը գրավել, սակայն Կալիֆորնիայի խորհրդարանի պատգամավորին մեկ ձայն չի բավականացրել խոսնակ ընտրվելու համար։
Ամերիկյան լրատվամիջոցները օրենսդիր մարմնում չորս օր տիրող կաթվածահար վիճակը «քաոսային» են որակել։
CNN-ի փոխանցմամբ՝ 14-րդ փուլից հետո Դոնալդ Թրամփը զանգահարել է «այլախոհներ» Էնդի Բիգսին ու Մեթ Գյոտցին և հորդորել նրանց աջակցել Մաքքարթիի թեկնածությանը։
