07.10.2026 | 23:48
Արթուր Դանիելյանը կալանավորվեց
Շուրջ 78 մլն դրամ՝ Պուտինի, Լուկաշենկոյի և ՀԱՊԿ անդամ մյուս պետությունների ղեկավարների պաշտոնական ճաշի ու վարձակալած սրահների համար
06.01.2023 | 19:57
2022 թվականի նոյեմբերի 23-ին Երևանում անցկացված ՀԱՊԿ Հավաքական անվտանգության խորհրդի նիստի շրջանակում ՌԴ նախագահ Վլադիմիր Պուտինի, Բելառուսի նախագահ Ալեքսանդր Լուկաշենկոյի և մյուս անդամ պետությունների ղեկավարների համար տրված պաշտոնական ճաշն ու վարձակալած դահլիճներն արժեցել են 77 մլն 834 հազար 155 դրամ։ Այս մասին Factor.am-ը տեղեկանում է գնումների պետական համակարգում հրապարակված ծառայությունների ձեռքբերման պայմանագրից։ Գնումն իրականացրել է ՀՀ ԱԳ նախարարության պետական արարողակարգի ծառայությունը։
Ընդհանուր առմամբ, ՀԱՊԿ անդամ պետությունների ղեկավարների համար պատվիրվել է 195 տեսակի ուտեստ և խմիչք։
Ծառայությունները մատուցել է «Մյուզիք Հոլլ» ՍՊԸ-ն։ Խոսքը կառավարական ամառանոցների հարևանությամբ գտնվող «Դվին» ռեստորանահյուրանոցային համալիրի մասին է։ Այն պատկանում է Արտակ Թովմասյանին։ Հիշեցնենք, որ Թովմասյանը պատերազմից հետո միացել էր վարչապետ Նիկոլ Փաշինյանի հրաժարականի պահանջին։
Նարեկ Կիրակոսյան
