29.10.2026 | 22:09
Համբարձում Մաթևոսյանը և ՌԴ նախագահի օգնականը քննարկել են COP17-ի բանակցային օրակարգի առանցքային հարցերը
ԱՄՆ Ներկայացուցիչների պալատի նախագահի ընտրության 11-րդ փորձը նույնպես տապալվել է
Քաղաքականություն
06.01.2023 | 17:21
Հանրապետական կուսակցության առաջնորդ Քևին Մաքքարթին 11-րդ անգամ անընդմեջ չի ընտրվել ԱՄՆ Կոնգրեսի Ներկայացուցիչների պալատի խոսնակի պաշտոնում, գրում է DW-ի ռուսական ծառայությունը։
Կոնգրեսի ստորին պալատի ղեկավարի ընտրությունների երրորդ օրը կրկին անհաջող է անցել, արդյունքում կոնգրեսականները քվեարկությունը հետաձգել են ևս մեկ օրով։ Նման իրավիճակ ամերիկյան քաղաքականության մեջ չի եղել 1859 թվականից ի վեր, երբ խոսնակ ընտրելու համար պահանջվել է քվեարկության 44 փուլ, հիշեցնում է CNN-ը։ Նախորդ հակառեկորդը՝ ինը փորձ, սահմանվել է 1923 թվականին։
11-րդ փուլի արդյունքներով Մաքքարթին, ինչպես նախորդ 10 դեպքերում, չի հավաքել անհրաժեշտ 218 ձայնը․ նրա օգտին քվեարկել է 200 օրենսդիր։ Կրկին խոչընդոտ է դարձել «անզիջում պահպանողականների փոքր, բայց վճռական հատվածի դիրքորոշումը, որը չի փոխվել՝ չնայած Քևին Մաքքարթիի առաջարկած զիջումներին։
Հանրապետականների մեկ այլ ներկայացուցիչ՝ Բայրոն Դոնալդսը, կրկին ստացել է 20 ձայն․ նրա թեկնածությունն առաջադրել են կուսակցության անդամները, ովքեր հրաժարվել են աջակցել Մաքքարթիին։
Հանրապետական թեկնածուի մրցակիցը՝ դեմոկրատ Հակիմ Ջեֆրիսը, ինչպես նախորդ օրերին, հավաքել է 212 ձայն։ 11-րդ փուլի մեկնարկից առաջ նա լրագրողներին ասել է, որ իր կուսակցությունը չի նախատեսում օգնել հանրապետականներին և շարունակելու է պահպանել միասնականությունը։
Ինքը՝ Քևին Մաքքարթին, մտադիր չէ հանել իր թեկնածությունը։ Միևնույն ժամանակ, Հանրապետական կուսակցությունից CNN-ի աղբյուրը խոսել է կենտրոնամետների շրջանում «աճող հիասթափության» մասին՝ Մաքքարթին ընդդիմախոսներին առաջարկած զիջումների պատճառով։
