07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ղարիբաշվիլին հայ ժողովրդին շնորհավորել է Սուրբ Ծննդյան կապակցությամբ
Քաղաքականություն
06.01.2023 | 15:41
Վրաստանի վարչապետ Իրակլի Ղարիբաշվիլին ֆեյսբուքյան իր էջում գրառում է կատարել՝ շնորհավորելով հայ ժողովրդին Սուրբ Ծննդյան ու Աստվածահայտնության տոնի կապակցությամբ, գրում է aliq.ge-ն։
«Այսօր ուզում եմ շնորհավորել մեր հայ հայրենակիցներին և մեր եղբայրական հայ ժողովրդին, բոլոր նրանց, ովքեր առանձնահատուկ ուրախությամբ և մեծ տոնով նշում են Սուրբ Ծննունդը և Աստվածահայտնության տոնը։ Մաղթում եմ ձեզ առողջություն, խաղաղություն և բարեկեցություն»,- գրել է Ղարիբաշվիլին։
Վրաստանի վարչապետը նշել է, որ վրացի և հայ ժողովուրդների փոխադարձ հարգանքն ու սերը հանգեցրել են դարավոր բարեկամության և բարիդրացիության։
Նա գոհունակություն է հայտնել, որ այդ հարաբերություններն ավելի են խորանում։
Նշենք, որ Հայ Առաքելական եկեղեցին Հիսուս Քրիստոսի Սուրբ Ծննդյան տոնը նշում է հունվարի 6-ին։ Կաթոլիկ եկեղեցին այդ տոնը նշում է դեկտեմբերի 25-ին։ Ուղղափառ եկեղեցիները նշում են այդ տոնը հունվարի 7-ին, որը, ըստ ուղղափառ եկեղեցիների կողմից գործածած Հուլյան օրացույցի, համընկնում է դեկտեմբերի 25-ին։
