17.08.2026 | 10:46
Թավրիզ–Երևան չվերթները երկու տարվա դադարից հետո կվերականգնվեն
ՌԴ-ն «սուրբծննդյան հրադադար» է հայտարարել․ այն ուժի մեջ կլինի մինչև հունվարի 7-ը
Քաղաքականություն
06.01.2023 | 14:50
Հունվարի 6-ի կեսօրից ուժի մեջ է մտել ՌԴ նախագահ Վլադիմիր Պուտինի՝ միակողմանի հայտարարած «սուրբծննդյան հրադադարը»։ Այս մասին գրում է DW-ի ռուսական ծառայությունը։
Ռուսական լրատվամիջոցների հաղորդմամբ՝ հրադադարի ռեժիմն Ուկրաինայում գործելու է մինչև հունվարի 7-ը՝ օրվա ավարտը։
Մինչ այդ, Ուկրաինայի Զինված ուժերի գլխավոր շտաբը հայտնել է, որ ռուսական զորքերն իրենց հիմնական ջանքերը կենտրոնացրել են Դոնեցկի շրջանի նկատմամբ վերահսկողություն հաստատելու ուղղությամբ։
«Նրանք շարունակում են հարձակողական գործողությունները Բախմուտի և Լիմանի ուղղություններում, միաժամանակ, փորձելով բարելավել մարտավարական դիրքերը Կուպյանսկում և Ավդեևսկում»,- ասվում է հաղորդագրությունում։
Ըստ ուկրաինական հրամանատարության՝ անցած օրվա ընթացքում ռուս զինվորականները 17 ավիահարված են հասցրել և 59 հարձակում իրականացրել բազմակի հրթիռային համակարգերից, այդ թվում՝ քաղաքացիական ենթակառուցվածքների վրա։ Ուկրաինական ավիացիան 15 հարված է հասցրել հակառակորդի կենտրոնացման վայրերին, ինչպես նաև երեք հարված՝ զենիթահրթիռային համակարգերի դիրքերին։ Հրթիռային զորքերի և հրետանու ստորաբաժանումները խոցել են հակառակորդի կենդանի ուժի և տեխնիկայի կենտրոնացման երկու շրջան։
