30.10.2026 | 19:08
Արծվիկ Մինասյանը և Շուշան Սարգսյանը՝ Մրցակցության պաշտպանության հանձնաժողովի անդամներ
Քննարկվում է նոտարների պատասխանատվության ռիսկի ապահովագրության ինստիտուտի ընդլայման հարցը
Հասարակություն
05.01.2023 | 19:34
Արդարադատության նախարարությունը շարունակում է աշխատանքները 2022-2026 թվականների դատական և իրավական բարեփոխումների ռազմավարությամբ ամրագրված նպատակների իրագործման ուղղությամբ։
Ինչպես տեղեկացնում են Արդարադատության նախարարությունից՝ այդ նպատակով Արդարադատության նախարարության գլխավոր քարտուղարի գլխավորությամբ տեղի է ունեցել հանդիպում-քննարկում Նոտարական պալատի, Արդարադատության նախարարության և ապահովագրական մի շարք ընկերությունների ներկայացուցիչների մասնակցությամբ:
Հանդիպման ընթացքում քննարկվել են նոտարների պատասխանատվության ռիսկի ապահովագրության ինստիտուտի բարեփոխումներին վերաբերող մի շարք հարցեր։
Կողմերը վերահաստատվել են, որ 2016 թվականին սահմանված կարգավորումներն ունեն վերանայման և բարեփոխման կարիք։
Այդ նպատակով ձեռք է բերվել պայմանավորվածություն շարունակել քննարկումները և միջազգային լավագույն փորձի, ապահովագրական ընկերությունների առաջարկների հիման վրա դիտարկել պատասխանատվության ռիսկի ապահովագրության ընդլայնման, ինչպես նաև նոտարական ծառայությունների սակագների վերանայման հնարավորությունը։
