20.04.2026 | 19:38
ՀՀ դեսպանն իր հավատարմագրերն է հանձնել Էրիթրեայի նախագահին
Մոտակա օրերին հանդիպելու ենք ԵՄ դիտորդներին. Վայոց ձորի մարզպետ․ ՏԵՍԱՆՅՈՒԹ
Քաղաքականություն
05.01.2023 | 13:20
ԵՄ դիտորդական խումբը դեռ չի հանդիպել սեպտեմբերի 13-ի ագրեսիայի ժամանակ հարձակման ենթարկված մարզերի մարզպետներին: Այս մասին լրագրողների հետ ճեպազրույցում հայտնեց Վայոց ձորի մարզպետ Արարատ Գրիգորյանը:
«Ենթադրում եմ՝ հունվարին՝ մոտակա օրերին կունենանք հանդիպում, թե ինչ ձևաչափով՝ դեռ քննարկվում է», – նշեց մարզպետը։
Գրիգորյանը հավելեց, որ իր կարծիքով՝ ԵՄ դիտորդական առաքելությունը զսպող գործոն է եղել Ադրբեջանի համար:
Հարցին, թե արդյոք դիտորդները ֆիքսել են, որ ադրբեջանական զորքերը Հայաստանի տարածքում են գտնվում, մարզպետը պատասխանեց. «Կարծում եմ՝ այո, որովհետեւ մենք այդ հանգամանքները փաստացի ներկայացրել ենք եւ իրենք իրենց աչքով տեսել են»:
Մարզպետի խոսքով՝ Վայոց ձորում իրավիճակը գնալով դրական ուղղվածություն է ձեռք բերում։
Մանրամասները՝ տեսանյութում։
