26.11.2024 | 13:25
Վրաստանի խորհրդարանի նախագահն առաջարկել է նախագահի ընտրությունն անցկացնել դեկտեմբերի 14-ին
ԱԱԾ-ն առաջարկում է օտարերկրյա քաղաքացիներին պետական գաղտնիքին հասանելիություն տալ
Հասարակություն
05.01.2023 | 09:57
Ազգային անվտանգության ծառայությունն առաջարկում է օտարերկրյա քաղաքացիներին Հայաստանի Հանրապետության պետական և ծառայողական գաղտնիքներին իրազեկ լինելու իրավունք տալ։ Նախագիծից Factor.am-ը տեղեկացավ, որ, ըստ ԱԱԾ-ի` առաջանում են այնպիսի իրավիճակներ, երբ պետական մարմինների հետ անմիջականորեն աշխատող կազմակերպությունների օտարերկրյա քաղաքացի հանդիսացող աշխատակիցները պետք է առչնվեն պետական և ծառայողական գաղտնիք կազմող տեղեկություններին, սակայն, գործունեության առանձնահատկություններով պայմանավորված` չեն բավարարում ՀՀ կառավարության N 545 որոշմամբ հաստատված կարգի պահանջներին և հնարավոր չի լինում տրամադրել պետական և ծառայողական գաղտնիքին իրազեկ լինելու իրավունք:
Նախագծի ընդունմամբ՝ պետական մարմինների հետ անմիջականորեն աշխատող կազմակերպությունների օտարերկրյա քաղաքացի հանդիսացող աշխատակիցներին կտրվի հնարավորություն` առչնվելու պետական և ծառայողական գաղտնիք կազմող տեղեկություններին՝ առանց համապատասխան պահանջների պահպանման: Այդուհանդերձ, օտարերկրյա քաղաքացիներին պետական ու ծառայողական գաղտնիք հանդիսացող տեղեկությունները հեշտությամբ չեն տրամադրվի։ Նախագծում նշված է, որ նրանց տեղեկությունները կփոխանցվեն հատուկ ստուգում անցնելուց և ԱԱԾ-ի դրական եզրակացությունը ստանալուց հետո։ Այս նախագիծն արդեն ՀՀ կառավարությունում է։
Նարեկ Կիրակոսյան
