Լոս Անջելեսի քաղաքապետի հետ դիմել ենք նախագահ Բայդենին, որպեսզի ԱՄՆ-ի միջնորդությամբ վերացվի Լաչինի միջանցքի շրջափակումը․ Փոլ Կրեկորյան

Լոս Անջելեսի քաղաքային խորհրդի նախագահ Փոլ Կրեկորյանը շնորհակալություն է հայտնել Լոս Անջելեսի քաղաքապետ Քերըն Բասին՝ միասնաբար ԱՄՆ նախագահ Ջո Բայդենին դիմելու համար, որպեսզի Վաշինգտոնի միջնորդությամբ վերացվի Լաչինի միջանցքի շրջափակումը։ Այս մասին Կրեկորյանը գրառում է կատարել թվիթերի իր միկրոբլոգում։

«Շնորհակալ եմ քաղաքապետ Բասին ինձ միանալու համար՝ նախագահ Բայդենին հայտնելու ԱՄՆ ղեկավարության միջնորդությամբ շրջափակումը վերացնելու և Արցախի ժողովրդին մարդասիրական օգնություն տրամադրելու հրատապ անհրաժեշտության մասին»,- գրել է Կրեկորյանն ու հրապարակել ԱՄՆ նախագահին ուղղված նամակը։

Ջո Բայդենին ուղղված նամակում, մասնավորապես, ասված է․ «Միացյալ Նահանգները պետք է հստակ ցույց տա իր նվիրվածությունը ժողովրդավարությանը և գլոբալ կայունությանը՝ օգնության հասնելով Արցախի ժողովրդին։

Այս անհապաղ և միանշանակ պատասխանը պետք է ներառի՝

1․ ԱՄՆ-ի կողմից մարդասիրական օգնության տրամադրում Արցախին՝ ներառյալ պարենային և բժշկական պարագաներ;

2․ Պուտինին և Ալիևին հասկացնի, որ Միացյալ Նահանգները պահանջում է և կգործի, որպեսզի ապահովվի բեռների անվտանգ անցումն Արցախ՝ օգնություն տրամադրելու համար;

3․ ԱՄՆ հաստատակամ դիվանագիտական ներգրավվածությունը՝ դյուրացնելու Բաքվի և Ստեփանակերտի միջև բանակցությունները՝ երաշխավորելով Արցախի հայ բնակչության իրավունքներն ու անվտանգությունը;

4․ Պնդի, որ Արցախում ռուսական զորքերը փոխարինվեն միջազգային խաղաղապահներով;

5․ Ադրբեջանի վարչակարգի դեմ շոշոփելի գործողությունների ձեռնարկում՝ նրան պատասխանատվության ենթարկելու իր հանցագործությունների համար Ազատության աջակցման ակտի և Մագնիտսկու օրենքի 907-րդ հոդվածի համաձայն»։

Հիշեցնենք, որ արդեն 24-րդ օրն է՝ Լաչինի միջանցքը փակ է, ինչի հետևանքով Արցախի Հանրապետությունը շրջափակման մեջ է։