29.10.2026 | 21:43
Թուրքիայի Կապադովկիա շրջանում երկու մարդ է զոհվել, ևս մեկը՝ վիրավորվել ժայռաբեկորների փլուզման հետևանքով․ ՏԵՍԱՆՅՈՒԹ
2023-ը ծանր է լինելու համաշխարհային տնտեսության մեծ մասի համար. ԱՄՀ
Քաղաքականություն
03.01.2023 | 15:31
Արժույթի միջազգային հիմնադրամի տնօրեն Քրիստալինա Գեորգիևայի խոսքով, ԱՄՆ-ի, Եվրոպայի և Չինաստանի տնտեսական աճը դանդաղում է: Կիրակի օրը Արժույթի միջազգային հիմնադրամի (ԱՄՀ) ղեկավարն ասել է, որ համաշխարհային տնտեսության մեծ մասի համար 2023 թվականը դժվար տարի է լինելու, քանի որ երեք հիմնական «շարժիչների»՝ ԱՄՆ-ի, Եվրոպայի և Չինաստանի տնտեսությունների աճի տեմպերը դանդաղում են։ Այս մասին գրում է Ամերիկայի ձայնը` հղում անելով Reuters-ին:
Այս տարի «ավելի ծանր կլինի, քան նախորդ տարում էր, քանի որ երեք խոշոր տնտեսությունների՝ ԱՄՆ-ի, ԵՄ-ի և Չինաստանի տնտեսական աճը միաժամանակ դանդաղում է, CBS-ին տված հարցազրույցում պնդել է ԱՄՀ-ի գործադիր տնօրեն Քրիստալինա Գեորգիևան:
Հոկտեմբերին ԱՄՀ-ն նվազեցրեց 2023 թվականի համաշխարհային տնտեսական աճի իր կանխատեսումները` հաշվի առնելով Ուկրաինայի դեմ Ռուսաստանի պատերազմի շարունակական ազդեցությունը, ինչպես նաև գնաճի հետ կապված ճնշումները և կենտրոնական բանկերի կողմից սահմանված բարձր տոկոսադրույքները:
«Վերջին 40 տարվա ընթացքում առաջին անգամ Չինաստանի ՀՆԱ-ի աճի տեմպը, ամենայն հավանականությամբ, կլինի համաշխարհային մակարդակի կամ ավելի ցածր»,- ասել է Գեորգիևան:
