17.05.2026 | 14:50
«Հայաստան» դաշինքի անդամները՝ Ռոբերտ Քոչարյանի գլխավորությամբ, Չարենցավանում են․ ՈւՂԻՂ
Հնդկաստանն ու Պակիստանը փոխանակել են միջուկային օբյեկտների և բանտարկյալների ցուցակները
Քաղաքականություն
01.01.2023 | 17:41
Հնդկաստանի և Պակիստանի իշխանությունները կիրակի օրը փոխանակել են երկու երկրների միջուկային օբյեկտների, ինչպես նաև` հարևան երկրի բանտարկված քաղաքացիների ցուցակները։ Ինչպես հայտնում է Հնդկաստանի արտաքին գործերի նախարարությունը, ցուցակների փոխանցումը դիվանագիտական ուղիներով տեղի է ունեցել միաժամանակ երկու հարևան պետությունների մայրաքաղաքներում, գրում է ՏԱՍՍ-ը:
Ցուցակների փոխանակումը տեղի է ունեցել 1988 թվականին նման օբյեկտների վրա հարձակումները կանխելու մասին պայմանագրի համաձայն։ Փաստաթուղթը, որն ուժի մեջ է մտել 1991 թվականի հունվարի 27-ին, նախատեսում է, որ Հարավային Ասիայի երկու հարևան միջուկային տերությունները յուրաքանչյուր տարվա սկզբին միմյանց ծանուցում են իրենց տարածքում գտնվող միջուկային օբյեկտների մասին՝ դրանց վրա չարտոնված հարձակումները կանխելու համար։
