21.03.2026 | 20:02
ԱՄՆ-ի Հավայի նահանգում 5,5 հազար մարդ կտարհանվի ջրհեղեղի պատճառով
Հստակ է՝ ՌԴ-ի ստվերում թաքնված ԼՂ-ն այլևս անվտանգ չի լինի․ Արևմուտքը ճնշման մեծ լծակներ ունի Ալիևի վրա․ Աննա Օհանյան․ ՏԵՍԱՆՅՈՒԹ
Քաղաքականություն
04.01.2023 | 13:02
Աշխարհաքաղաքական ցնցումներով, պատերազմներով, դիվանագիտական լարված մրցապայքարով հարուստ 2022 թվականն ավարտվեց, և 2023 թվականն է արդեն ընթացքի մեջ։ Երկրորդ համաշխարհային պատերազմից հետո ամենախոշոր ռազմական բախումն է այս պահին Ուկրաինայի տարածքում։ ՌԴ նախագահ Պուտինը պատերազմը հիմնավորում էր, իբր, Ուկրաինան հակառուսաստան վերածվելու վտանգով։ Ի՞նչ արդյունքի հասավ Պուտինը՝ սկսելով պատերազմը, որն աշխարհին մեծ լարվածության մեջ է պահում արդեն 11 ամիս։
ԱՄՆ Մասաչուսեթսի Սթոնհիլ քոլեջի քաղաքագիտության դասախոս Աննա Օհանյանը Factor TV-ին տված հարցազրույցում նշում է, որ պատերազմը ՌԴ-ի վրա ունեցել է ջախջախիչ ազդեցություն։
«Այն առումով, որ այս պատերազմից առաջ ՌԴ-ն շատ լավ դիրքավորված էր։ Եվ այս բազմաբևեռ աշխարհակարգը կառուցելու մասին Վլադիմիր Պուտինը նույնիսկ շատ էր նշում։ Այս պատերազմի արդյունքում պրոցեսները դեպի բազմաբևեռ աշխարհակարգ կշարունակվեն, բայց արդեն դժվար թե ՌԴ-ն այդ բևեռներից մեկը լինի։ Սա ցույց տվեց, որ խոշոր տերություններն իրենք իրենց կարող են սաբոտաժի ենթարկել։ Այս պատերազմի ուղղակի արդյունքը լինելու է այն, որ սա ՌԴ-ին ուղղակի թուլացրեց, և այն, անշուշտ, շարունակելու է ազդել այն բանի վրա, թե եվրասիական մայրցամաքում ինչպիսի աշխարհակարգեր կառաջանան։ ՌԴ-ին հաշվի առնելով՝ այս պատերազմով սկսվեց իմպերիալիստական աշխարհակարգի թուլացումը․ ասում եմ սա՝ առանց գերագնահատելու այս իրադարձությունը։ Պուտինը սկսեց պատերազմ՝ աշխարհին ցույց տալու, որ ՌԴ-ն դիրքավորված է, բայց արդյունքում Չինաստանը շահում է միջին Արևելքում, և Արևմուտքն էլ կոնսոլիդացվեց Ուկրաինայի շուրջ»,- ասում է քաղաքագետը։
Ըստ Աննա Օհանյանի՝ Ուկրաինայի դեմ ՌԴ-ի հայտարարած պատերազմը ցույց տվեց, որ պատերազմները և ռազմական միջոցով տարածքներ գրավելը բավարար չեն ազդեցություն տարածելու համար, անգամ ՌԴ-ն չի կարողանում այդ տարածքները գրավել։ Եվ, ըստ քաղաքագետի, վստահությունն առ Մոսկվան այնքան թուլացած է, որ աշխարհակարգ կերտելու համար ՌԴ-ն իր վարկանիշն ամբողջությամբ թուլացրել է։
Հարցազրույցն ամբողջությամբ՝ տեսանյութում։
Ռոբերտ Անանյան
