29.10.2026 | 20:36
Նարեկ Կարապետյանը հետևից ինձ հարվածում ու փախչում է․ Նարեկ Գրիգորյան. ՏԵՍԱՆՅՈՒԹ
Զախարովան ասաց ՀՀ-ին՝ հույսներդ կտրեք ՌԴ-ից Ադրբեջանի դեմ պայքարում․ սխալվե՛լ ենք՝ մեր անվտանգությունը նրա հետ պայմանավորելով․ Էմիլ Օրդուխանյան․ ՏԵՍԱՆՅՈՒԹ
Քաղաքականություն
29.12.2022 | 20:32
ՌԴ ԱԳՆ խոսնակ Մարիա Զախարովան պատասխանել է ՀՀ Անվտանգության խորհրդի քարտուղար Արմեն Գրիգորյանի այն հայտարարությանը, որ ՌԴ-ի համար հնարավորություն է ստեղծվել լինել ՀՀ-ի հետ և պաշտպանել նրա ինքնիշխանությունը։ Մոսկվան ընդունո՞ւմ է իր դաշնակցային դերը ՀՀ-ի հանդեպ՝ հայ-ադրբեջանական կոնֆլիկտի հարցում։ Այս հարցին ի պատասխան՝ Զախարովան ասել է, որ ՌԴ-ն իր միջնորդական առաքելության մեջ հաշվի է առնում իր դաշնակցային հարաբերությունները թե՛ ՀՀ-ի, թե՛ ՌԴ-ի հետ։
«Մենք հաշվի ենք առնում, որ կապված ենք դաշնակցային պարտավորություններով թե՛ Հայաստանի, թե՛ Ադրբեջանի հետ։ Հետևաբար, որպես միջնորդ, մենք միշտ այնպիսի դիրք ենք գրավում, որը թույլ է տալիս արդյունավետորեն իրականացնել այդ գործառույթը: Ես իսկապես հույս ունեմ, որ Հայաստանում մարդիկ գիտեն այս մասին»,- ասել է ռուսաստանցի պաշտոնյան։
Սա չի՞ նշանակում, որ Մոսկվան ուղիղ ասում է՝ հույսներդ կտրեք ինձանից, Ադրբեջանի դեմ որևէ քայլ չեմ անելու, և սա ի՞նչ գործողությունների պետք է մղի ՀՀ կառավարությանը։
Քաղաքագետ Էմիլ Օդուխանյանը Factor TV-ին տված հարցազրույցում ասում է, որ Մոսկվան Երևանի և Բաքվի մեջ հավասարության նշան վաղուց է սկսել դնել, և նրանց դաշնակցային հարաբերությունների իրավական հիմքը 2022-ի փետրվարի 22-ին դաշնակցային հարաբերությունների մասին հռչակագրի ստորագրումն էր Ալիևի և Պուտինի միջև։
«Իրենք ռազմավարական դաշնակիցներ են և միասին ստեղծել են մի իրավիճակ, երբ ոչ թե ՀՀ-ն է մտել Ադրբեջանի տարածք, այլ հակառակը՝ թե՛ Արցախում, թե՛ Հայաստանում Ադրբեջանն է ներխուժողը։ Մենք տեսանք, որ ՀՀ-ն փորձեց բոլոր գործիքներն օգտագործել, ինչն ապարդյուն էր։ Հիմա իրենք ասում են՝ դադարեք մեզ վրա հույս դնել, և մենք իրականում վաղուց ենք դադարել հույս դնել ՌԴ-ի վրա։ Մենք այսօր փորձում ենք գտնել այլընտրանքներ՝ լուծելու իշխանության կողմից արդեն հրապարակայնորեն բարձրաձայնվող խնդիրները։ Իրավիճակն այնպիսին է, որ ՌԴ-ի հետ այլևս հույս չենք կարող կապել անվտանգության հարցերով։ Հույսը փխրուն կատեգորիա է քաղաքականության մեջ, մենք հաշվարկով պիտի առաջնորդվենք՝ հասկանալով թե՛ ՌԴ-ի շուրջ իրավիճակը, թե՛ նրա առաջնահերթությունները՝ իր էներգակիրներն արտահանելու իմաստով։ Չէ՞ որ ՌԴ-ի լավագույն օգնականն ու աջակիցը Թուրքիան և Ադրբեջանն են»,- ասաց Էմիլ Օրդուխանյանը։
Հարցազրույցն ամբողջությամբ՝ տեսանյութում։
Ռոբերտ Անանյան
