26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Զախարովան՝ ԼՂ-ում ռուս խաղաղապահների առաքելությունը չկատարելու վերաբերյալ Փաշինյանի մեղադրանքների մասին․ ՏԵՍԱՆՅՈՒԹ
Քաղաքականություն
29.12.2022 | 15:06
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում մեկնաբանել է ՀՀ վարչապետ Նիկոլ Փաշինյանի կողմից ռուս խաղաղապահների հասցեին հնչեցրած մեղադրանքները՝ դրանք անընդունելի անվանելով։
«Ինչ վերաբերում է Ռուսաստանի Դաշնությանը, ռուսական խաղաղապահ զորակազմին ուղղված քննադատությանը, ապա այս իրավիճակում, կարծում եմ, դա անընդունելի է։ Մենք բազմիցս ասել ենք, որ ռուս խաղաղապահներն ամեն ինչ անում են տեղում իրավիճակը կարգավորելու համար։ Ոչ մի հրապարակային հարձակում գործին չի օգնի: Ավելի վատ իրավիճակներ էլ են եղել, մենք աշխատում ենք այս վիճակը բարելավելու ուղղությամբ»,- ասել է Զախարովան։
Անդրադառնալով Լաչինի միջանցքի ապաշրջափակման համար ԵԱՀԿ Մինսկի խմբի հետ հնարավոր համագործակցության մասին լրագրողի հարցին՝ Զախարովան նշել է, որ ՌԴ-ն չի եղել Մինսկի խմբի աշխատանքն արգելափակողը։
«Ինչ վերաբերում է ԵԱՀԿ Մինսկի խմբին, որի մասին դուք հարցնում եք, նրա ներգրավման հնարավորության մասին․ ես հիշեցնեմ, թե ով է արգելափակել այն, ով է արգելափակել դրա աշխատանքը։ Դա Ռուսաստանը չէր, մենք չարգելափակեցինք խմբի աշխատանքը, Ռուսաստանի արտգործնախարար Սերգեյ Լավրովը վերջերս շատ հստակ խոսել է դրա ներկայիս վիճակի մասին, ասվածին ավելացնելու ոչինչ չկա»,- ասել է Զախարովան։
Մանրամասները՝ տեսանյութում։
Տաթև Ֆռանգյան
