17.02.2026 | 14:10
ԱՄՆ-ն և ՌԴ-ն գրեթե հավասարվել են․ ինչքան փող են 2025-ին արտերկրից ստացել ՀՀ քաղաքացիները
Մենք Եվրոպայի ամենաբարձր տնտեսական աճ ունեցող երկրներից ենք, եթե ոչ երկիրը. Փաշինյան․ ՏԵՍԱՆՅՈՒԹ
Տնտեսություն
29.12.2022 | 12:12
2023-24 թվականներին Հայաստանի երեք մարզերում ու Երևանում միջազգային ստանդարտներին համապատասխան ֆուտբոլի դպրոցներ կկառուցվեն։ Այս մասին այսօր ՀՀ կառավարության նիստում հայտնեց ԿԳՄՍ նախարար Ժաննա Անդրեասյանը` ներկայացնելով կառավարության համապատասխան որոշման նախագիծը։
Վարչապետ Նիկոլ Փաշինյանը հավելեց, որ դա վերաբերում է ոչ միայն երեխաներին, այլև մեծահասակներին։ «Կարծում եմ` նաև մեծահասակները կարող են ֆուտբոլ խաղալ»,– ասաց նա։
Ֆուտբոլային մարզադաշտերի կառուցման համար ընտրվել են Երևանում` Դավիթաշեն 4-րդ թաղամասը, Արարատի մարզում` Արտաշատ քաղաքը, Գեղարքունիքում` Մարտունի քաղաքը, Տավուշի մարզում՝ Իջևանը։
«Երբ որ մենք մինչև 2050 թվականի ռազմավարության մեջ գրել ենք, որ ՀՀ հավաքականը պետք է լինի աշխարհի կամ Եվրոպայի առաջնության մրցանակակիր, չենք նշել տղամարդկանց, թե կանանց հավաքականն է լինելու, այնպես որ այստեղ մանևրի մեծ դաշտ ենք թողել։ Մեզ ցանկացած տարբերակը ձեռնտու է»,-նշեց վարչապետը։
ՀՖՖ նախագահ Արմեն Մելիքբեկյանն արձագանքեց՝ նշելով․ «Եվրոպան ընդամենը 7 տեղ է ստանում՝ ընդամենը 7 երկիր իրավունք ունի մասնակցելու ֆուտզալի աշխարհի առաջնությանը, բայց մենք այդ նպատակին գնալու ենք․ սա մեր շատ մոտ և տեսանելի նպատակն է»։
«Հաշվի առնելով, որ մենք Եվրոպայի ամենաբարձր տնտեսական աճ ունեցող երկրներից ենք, եթե ոչ երկիրը, ապա այդ 7 երկրների մեջ լինելու հավակնություններ ունենք»,-հույս հայտնեց Փաշինյանը։
Մանրամասները՝ տեսանյութում։
