29.10.2026 | 20:33
Նարեկ Կարապետյանը հետևից ինձ հարվածում ու փախչում է․ Նարեկ Գրիգորյան. ՏԵՍԱՆՅՈՒԹ
Մոսկվայում 11 տարվա մեջ առաջին անգամ հանդիպել են Թուրքիայի և Սիրիայի պաշտպանության նախարարները
Քաղաքականություն
29.12.2022 | 16:04
Թուրքիայի պաշտպանության նախարար Հուլուսի Աքարն ու Ազգային հետախուզական կազմակերպության (MIT) ղեկավար Հաքան Ֆիդանը նախօրեին Մոսկվայում հանդիպել են Ռուսաստանի պաշտպանության նախարար Սերգեյ Շոյգուի և Սիրիայի պաշտպանության նախարար Ալի Մահմուդ Աբասի հետ։ Այս մասին հայտնում է Թուրքիայի ՊՆ-ն։
Բանակցություններին մասնակցել են նաև ՌԴ-ի և Սիրիայի հետախուզական ծառայությունների ղեկավարները։ Նշվում է, որ քննարկվել է սիրիական ճգնաժամը, փախստականների խնդիրը և Սիրիայի տարածքում գործող ահաբեկչական կազմակերպությունների դեմ համատեղ պայքարը։ Ըստ հաղորդագրության՝ ղեկավարների հանդիպումն անցել է կառուցողական մթնոլորտում։ Կողմերը պայմանավորվել են շարունակել շփումները եռակողմ ձևաչափով՝ Սիրիայում և, ընդհանուր առմամբ, տարածաշրջանում կայունության ապահովման և պահպանման համար։
Սա Թուրքիայի և Սիրիայի պաշտպանության նախարարների առաջին հանդիպումն է 2011 թվականի պատերազմի մեկնարկից ի վեր։
Հավելենք, որ Թուրքիայի նախագահ Ռեջեփ Թայիփ Էրդողանը հայտարարել էր, որ իր ռուս գործընկեր Վլադիմիր Պուտինին առաջարկել է Ռուսաստանի և Սիրիայի հետ եռակողմ մեխանիզմ ձևավորել Անկարայի և Դամասկոսի միջև դիվանագիտական հարաբերություններն ակտիվացնելու համար։
Էմմա Չոբանյան
