05.11.2024 | 19:30
Որոշ բուհեր կարող են փակվել․ օրենքի նոր նախագիծը մտահոգել է մասնագետներին․ ՏԵՍԱՆՅՈՒԹ
Բաքուն երկրում Ֆրանսիայի դեսպանին կանչել է ԱԳՆ և բողոքի նոտա հանձնել
Քաղաքականություն
28.12.2022 | 18:50
Բաքվում Ֆրանսիայի դեսպան Անն Բույոնը կանչվել է Ադրբեջանի ԱԳՆ․ նրան բողոքի նոտա են հանձնել ֆրանսիական կուսակցությունների հակաադրբեջանական հայտարարությունների համար, գրում են տեղական լրատվամիջոցները։
Ադրբեջանի ԱԳՆ-ից հայտնել են, որ հանդիպման ընթացքում դեսպանին են փոխանցել Բաքվի խորը մտահոգությունը ֆրանսիական տարբեր քաղաքական ուժերի կողմից Ադրբեջանի նկատմամբ, իբր, «բացահայտ զրպարտության և նախապաշարմունքի վրա հիմնված արշավի ընդլայնման և շարունակման կապակցությամբ»։
Բաքուն նշում է, որ Ֆրանսիայի խորհրդարանում ներկայացված քաղաքական ուժերի առաջնորդների անունից Ֆրանսիայի նախագահին ուղղված նամակում Ադրբեջանին ուղղված «անհիմն մեղադրանքները» ոչ այլ ինչ են, քան «ոտնձգություն Ադրբեջանի ինքնիշխանության և տարածքային ամբողջականության դեմ»։
«Հանդիպման ընթացքում ֆրանսիական կողմին հայտարարվել է համապատասխան միջոցներ ձեռնարկելու անհրաժեշտության մասին՝ Ֆրանսիայում Ադրբեջանի դեմ արշավն անհապաղ դադարեցնելու համար»,- ասվում է հաղորդագրության մեջ։
Հիշեցնենք, որ Ֆրանսիայի տարբեր կուսակցությունների քաղաքական առաջնորդներ, չնայած քաղաքական տարբերվող հայացքներին, համատեղ բաց նամակ են հրապարակել Ֆրանսիայում ամենամեծ լսարանն ունեցող Le Monde օրաթերթում՝ պահանջելով Ֆրանսիայի նախագահի միջամտությունը՝ Արցախի և Հայաստանի Հանրապետության անվտանգությունը երաշխավորելու համար։
Էմմա Չոբանյան
