27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Փարիզում Ադրբեջանի դեսպանը դժգոհել է Արցախի անվտանգությունը երաշխավորելու նամակով հանդես եկած ֆրանսիացի գործիչներից
Քաղաքականություն
28.12.2022 | 18:22
Ֆրանսիայում Ադրբեջանի նորանշանակ դեսպան Լեյլա Աբդուլլաևան անդրադարձել է Le Monde պարբերականում ֆրասիացի քաղաքական գործիչների հրապարակած նամակին Լաչինի միջանցքի փակման առնչությամբ։ Մասնավորապես, Աբդուլլաևան թվիթերյան իր էջում գրել է, որ Արցախն ու Լաչինի միջանցքը, իբր, Ադրբեջանի ինքնիշխան տարածք են, իսկ արցախահայերը՝ «Ադրբեջանի քաղաքացիներ»։
«Համամարդկային համընդհանուր արժեքները պահանջում են, որ դուք սատարեք Ադրբեջանի խաղաղության ջանքերին»,- գրել է Ադրբեջանի դեսպանը։
Հիշեցնենք, որ Ֆրանսիայի տարբեր առանցքային կուսակցություններից քաղաքական առաջնորդներ, չնայած քաղաքական տարբերվող հայացքներին, համատեղ բաց նամակ են հրապարակել Ֆրանսիայում ամենամեծ լսարանն ունեցող Le Monde օրաթերթում՝ պահանջելով Ֆրանսիայի նախագահի միջամտությունը Արցախի և Հայաստանի Հանրապետության անվտանգությունը երաշխավորելու համար։
Էմմա Չոբանյան
