05.11.2024 | 19:17
Քաղաքաշինության կոմիտեում կառուցապատողների հետ քննարկվել են ոլորտային խնդիրների լուծման տարբերակներ
Ղրղզստանի նախագահը կոչ է արել պաշտոնյաներին՝ ռուսերենի փոխարեն անցնել ղրղզերենով փաստաթղթաշրջանառության
Քաղաքականություն
28.12.2022 | 19:24
Ղրղզստանի նախագահ Սադիր Ժապարովը Կառավարության նիստում կոչ է արել երկրի գերատեսչություններին՝ անցնել ղրղզերենով փաստաթղթերի շրջանառության, գրում է Ինտերֆաքսը։
«Պետական լեզվի զարգացումը պետք է դառնա պետական գերատեսչությունների գործունեության հիմնական ուղղություններից մեկը։ Մենք պետք է պայմաններ ստեղծենք, որպեսզի երկրի քաղաքացիները կարողանան ազատ խոսել ու գրել պետական լեզվով։ Հանրապետությունում ապրում են 100-ից ավելի էթնիկ խմբերի ներկայացուցիչներ, պետական լեզուն պետք է դառնա համախմբման հիմք»,- ասել է նա։
«Սխալ է փաստաթղթաշրջանառությունը ռուսերենով իրականացնել՝ լինելով ղրղզ։ Գերատեսչություններում փաստաթղթաշրջանառությունը պետք է իրականացվի պետական լեզվով առնվազն 50 տոկոսով»,- կարծում է նախագահը։
Նկատենք, որ Ղրղզստանի Սահմանադրությամբ՝ ռուսերենն այս երկրում պաշտոնական լեզվի կարգավիճակ ունի։
Տաթև Ֆռանգյան
