21.03.2026 | 20:02
ԱՄՆ-ի Հավայի նահանգում 5,5 հազար մարդ կտարհանվի ջրհեղեղի պատճառով
Բաքվից հայտարարում են, որ Հայաստանի և Ադրբեջանի միջև բանակցությունների Վաշինգտոնյան ձևաչափ կարող է ստեղծվել
Քաղաքականություն
28.12.2022 | 13:54
Հայաստանի և Ադրբեջանի միջև բանակցությունների նոր ձևաչափ կարող է ստեղծվել․ խոսքը Վաշինգտոնյան ձևաչափի մասին է։ Ադրբեջանական լրատվականների փոխանցմամբ՝ այս մասին 2022 թվականի արդյունքներին նվիրված ասուլիսում հայտարարել է Ադրբեջանի իշխանությունների կողմից ղեկավարվող Միջազգային հարաբերությունների վերլուծության կենտրոնի ղեկավար Ֆարիդ Շաֆիևը։
Նա նշել է, որ դա կախված է մի քանի գործոններից, այդ թվում՝ Լաչինի միջանցքի արգելափակման շուրջ ստեղծված իրավիճակից։
«Հետաքրքիր է, որ Ադրբեջանը, հանդիսանալով հաղթող պետություն, մեծ ջանքեր է գործադրում խաղաղության համար։ Մոսկվայի և Բրյուսելի բանակցային ձևաչափն ապագայում կարող է վերականգնվել։ Հնարավոր է նաև ստեղծել Վաշինգտոնի առաջարկած ձևաչափը։ Սակայն որևէ այլ բան խելամիտ չի թվում»,- ասել է Շաֆիևը՝ իր հայտարարած ձևաչափի մասին այլ մանրամասներ չհայտնելով։
Էմմա Չոբանյան
