09.10.2026 | 20:10
Ժանտախտ․ ինչպես է փոխանցվում, որքանով է վտանգավոր և արդյոք բուժում կա․ զրույց մասնագետի հետ. ՏԵՍԱՆՅՈՒԹ
2023 թվականը որոշիչ է լինելու Ուկրաինայի համար․ Զելենսկի
Քաղաքականություն
28.12.2022 | 13:00
2023 թվականը պետք է որոշիչ լինի Ուկրաինայի համար, հայտարարել է նախագահ Վլադիմիր Զելենսկին դեկտեմբերի 27-ին երկրի քաղաքացիներին ուղղված հերթական տեսաուղերձում։
Նրա խոսքով՝ պատերազմի սկզբից ի վեր Գերագույն հրամանատարի շտաբի հերթական՝ արդեն 44-րդ նիստի ժամանակ երկրի ռազմական ղեկավարությունը «որոշել է մոտ ապագայի քայլերը»։
«Մենք շարունակում ենք նախապատրաստել Ուկրաինայի պաշտպանության և անվտանգության ուժերին հաջորդ տարվա համար: Այն պետք է վճռորոշ տարի լինի։ Մենք հասկանում ենք, թե ինչ ռիսկեր կան ձմռանը, մենք հասկանում ենք, թե ինչ անել գարնանը, ինչը նշանակում է, որ մենք հասկանում ենք, թե ինչ արդյունքներ պետք է ցուցադրի ամբողջ պաշտպանության և անվտանգության ոլորտը»,- ասել է Զելենսկին:
Նա նաև կարծիք է հայտնել, որ նոր տարի մտնելով՝ Ուկրաինայի ժողովուրդը պետք է «պահպանի ազգային նպատակների ընդհանուր ըմբռնումը»։
«Իհարկե, դա մեր հողի ազատագրումն է թշնամուց, ինչպես նաև Ուկրաինայի վերականգնումը, մեր ժողովրդի վերադարձը տուն, մեր պետության հետագա մերձեցումը հիմնական գործընկերների հետ, Ուկրաինայի համար աշխարհում նոր հնարավորությունների բացումը։ Սա մոտ ապագայի խնդիր է, և ոչ միայն պետության, այլև մեզանից յուրաքանչյուրի համար»,- ընդգծել է Ուկրաինայի նախագահը։
Տաթև Ֆռանգյան
