27.02.2026 | 01:53
«Նոան» խոշոր հաշվով պարտվեց «ԱԶ Ալկմարին» ու դուրս մնաց Կոնֆերենցիաների լիգայից․ ՏԵՍԱՆՅՈՒԹ
Կիմ Չեն Ընը նպատակ ունի ամրապնդել Հյուսիսային Կորեայի ռազմական հզորությունը
Քաղաքականություն
28.12.2022 | 20:14
Հյուսիսային Կորեայի ղեկավար Կիմ Չեն Ընը դեկտեմբերի 28-ին երկրի իշխող Կորեայի աշխատավոր կուսակցության համագումարի ժամանակ 2023 թվականի համար նպատակներ է դրել, առաջին հերթին՝ ամրապնդել երկրի ռազմական հզորությունը, գրում է DW-ի ռուսական ծառայությունը։
Հյուսիսկորեական տեղեկատվական գործակալությունն իր պաշտոնական հաղորդագրության մեջ չի բացահայտել դրված խնդիրների էությունը, սակայն նկատել է, որ Կիմն անդրադարձել է Կորեական թերակղզում «կրկին ստեղծված բարդ իրավիճակին», ինչպես նաև ավելի լայն աշխարհաքաղաքական հանգամանքներին։
Աղբյուրի փոխանցմամբ՝ Կիմ Չեն Ընը «նշել է արտաքին քաղաքականության սկզբունքներն ու թշնամու դեմ պայքարի ուղղությունները, որոնց հյուսիսկորեական կուսակցությունն ու կառավարությունը պետք է անխախտորեն հետևեն՝ «ազգային շահերի ու սուվերեն իրավունքների պաշտպանության համար»։
Տաթև Ֆռանգյան
